Добивај вести на Viber
Кредитниот рејтинг на Македонија останува на нивото „ББ+“ со стабилна перспектива, сооптши меѓународната рејтинг агенција „Фич“.
Како главни предности на македонската економија кои придонесуваат за оценката, истакнати се макроекономската политика и условите за водење бизнис, соопшти Министерството за финансии.
Фич прогнозира дека годинава економијата ќе порасне за 3,5%. Невработеноста незначително се намали, но остана на висока стапка од 28,4 отсто во првиот квартал од 2014 година.
За буџетскиот дефицит, агенцијата посочува дека во тек се големи инфраструктурни проекти кои можат да се одразат на стапката, но истовремено го поттикнуваат економскиот раст на земјата. Благодарение на влезот на странските директни инвестиции, нотиран е раст на извозот.
Кредитната агенција „Фич“ пет години по ред го потврдува стабилниот кредитен рејтинг на Република Македонија.
„Ова е големо признание за економските политики кои ги води Владата, ако се земе предвид дека на многу економии од регионот и пошироко како Русија, Турција, Бугарија, Словенија, Хрватска, Србија и други, им е намален кредитниот рејтинт“, забележува Министерството за финансии.