Филе од Србија побара одлучност и напорна работа

Добивај вести на Viber

Напорна работа има пред Србија и потребна е могу одлучност во следните години за да се постигне целта, истакна еврокомесарот за проширување Штефан Филе денеска од Белград. Тој додаде дека членството во ЕУ е прашање кое бара партиски консензус, а земјата е добар пример за тоа. Филе изјави дека Белград постигнал добри резултатит во исполнувањето на критериумите за европска интеграција, но оти Европската комисија очекува продолжување на реформите. „Искуството со другите земји-кандидати покажува дека преодниот процес е тензичен, некогаш болен, но обезбедува економски и социјален развој, проширување на бизнисот, единствен пазар и зголемување на стапката на вработеност“, изјави Филе. Тој денеска се сретна со претседателот Томислав Николиќ, со првиот човек на парламентот,  а вчера и со премиерот Ивица Дачиќ. Српскиот претседател Томислав Николиќ, ја повика српската влада веднаш да го утврди главниот преговарач и тимот за преговори за членство во ЕУ. „ Ја користам оваа можност да ја повикам српската влада веднаш да утврди кој ќе ги предводи оние со кои Европскиот комесар за проширување, Штефан Филе и неговите соработници ќе започнат една нова ера на животот во Србија во која секој нов ден значи исполнување на некои од барањата и создавање подобар живот за граѓаните" , рече Николиќ по средбата со Филе.