Финекспо 2012: Финансискиот сектор е стабилен, ќе има и поевтини кредити

Добивај вести на Viber

Финансискиот сектор останува стабилен, депозитите растат, а кредити ќе има и понатаму, со можност и за намалување на каматните стапки, се заклучоците од тркалезна маса на тема „Актуелни состојби во финансискиот сектор и нивното влијание врз развојот на економијата“ организирана во рамките на Финекспо 2012.

Гувернерот Димитар Богов уште еднаш нагласи дека состојбата во финансискиот сектор е стабилна и непа потреба од згриженост. За забевените трендовите и слабиот пораст на финансискиот сектор, ја обвинува забавената економска активност и неизвесноста во окружување и застојот во ЕУ.

Тој ја истакна улогата на НБРМ, за која покрај остварувањето на основните цели на централната банка, рече дека ја поддржува и македонската економија преку девизните резерви кои се стабилни последните две години, нискиот дефицит во платниот биланс под три проценти во три последователни години, како и преку ниската референтна каматна стапка од 3,75 проценти, кое е на ниво да обезбеди поголема побарувачка на денари, отколку на девизи. И министерот за финансии Зоран Ставрески очекува дека финансискиот сектор и во иднина ќе остане стабилен и ќе испорачува максимално ниво на кредити во реалниот сектор.Тој посочи дека стапката на кредитната активност во Македонија е задоволителна во вакви услови во Европа и додаде дека државата ќе продолжи со поддршката преку одржување низок јавен долг, носење свеж капитал од надвор, како што се обезбедувњето 250 милиони евра со гаранција од Светската банка и кредитната линија од 100 милиони евра од Европската инвестициска банка. Според него ова може да остави и простор за намалување на каматната стапка на државните записи. Сепак појасни Ставрески се забележуваат и негативни појави како што е притисокот од матичните банки кон домашните банки за да го намалат кредитирањето кон компаниите што, според него, не е оправдано.