ФОКУС НА ДЕНОТ: Maкедонија се надева на поддршка од Макрон, а Бугарите ќе заземат став
Објавено во: Македонија 29 Септември, 2019
Шефот на македонската дипломатија, Никола Димитров очекува дека земјава и од Франција ќе добие зелено светло за отпочнување преговори со ЕУ.
„Јас искрено не можам да верувам дека еден од големите лидери на Европа би направил таква стратешка грешка“, изјави Димитров.
Потоа вели дека топката ќе се префрла на внатрешен терен и ќе мора да се креира нова политика
Според Димитров, не може да не се охрабри еден добар тренд, а да има европеизација на Балканот.
Maкедонија е темата за која бугарскиот државен врв утре свика итна консулативна средба.
Ќе разговараат за резулатите од работата на македонско бугарската комисија и за поддршката на Бугарија за почеток на преговорите со ЕУ. Состанокот го свика претседателот Румен Радев, а поканети се и премиерот Бојко Борисов, министерката за надворешни работи Екатерина Захариева, преставниците на Собранието, како и шефот на бугарската експертска група Ангел Димитров.
Различни мислења имаше изминатиов период во Бугарија за работата на комисијата.
Претседателот на ВМРО-ДПМНЕ Христијан Мицкоски, синоќа во Битола, изјави дека случајот „Рекет“ не може да се сведе само на тројцата осомничени.
Вели дека никој не е над законот, и дека сите кои се вмешани ќе одговараат.
Тој најави дека правдата ќе биде едно од главните ветувања на партија на следните избори.
Во Битола беше организирана акција „Разговори за обнова на Македонија“.
Во наредните неколку дена ќе се знае дали поранешната специјална јавна обвинителка, Катица Јанева ќе излезе од Шутка и ќе оди во домашен притвор.
Вишото јавно обвинителство во новата работна недела ќе даде мислење на надополнетата жалба на адвокатски тим на поранешната специјална јавна обвинителка, Јанева. Тие веќе се изјаснија дека со завршената истрага отпаѓа можноста за влијание врз доказите па очекуваат судот да и го укине притворот и да определи поблага мерка за Јанева.
Таа е уапсена на 21 август како третоосомничена во случајот „Рекет“.