(ФОТО) Кралот се врати на тронот: Новак Ѓоковиќ по петти пат шампион на Австралија Опен!
Објавено во: Мои пари 01 Февруари, 2015
Нема подобар од Новак Ѓоковиќ. Нема на цел свет. А посебно нема во Мелбурн каде по петти пат е шампион на Австралија опен, и тоа после исклучително тешката борба со Енди Мареј, кој го совлада со 7:6(5), 6:7(4), 6:3, 6:0.
Да е лесно да се игра финале, би играле многу други. А нема многу такви кои ја достигнаа највисоката сцена и на неа заблескаа. Токму таков блескав момент имаше во ова финале, едно поради агресивноста на Мареј, друго поради решителноста на Новак. Токму тие го обележаа целиот натпревар, во кој Ѓоковиќ покажа со колку голема желба дошол во Австралија да го „врати“ она што му припаѓа.
А ова беше негов натпревар, во тоа повеќе нема никакво сомнение.
И синот на Новак полека се навикнува на неговите трофеи. Армија од навивачи со Новак беа во финалето на Австралија опен каде е совладан Енди Мареј, а крај малите екрани беше и синот на големиот шампион Стефан, кој со мама Јелена го следеше натпреварот во Мелбурн.„Се изгледа многу подобро од оваа перспектива. Во светот на Стефан, тато секогаш е победник“, напишала Јелена Ѓоковиќ на твитер со слика од малиот Стефан кој го следи татка си.