(ФОТО) ТЕШКИ ЗА ФАЛСИФИКУВАЊЕ :Како изгледаат новите 200 и 2 000 денари?
Објавено во: Финансии 15 Декември, 2016
Народната банка официјално од денеска во оптек ги пишти новите банкноти од 200 и 2 000 денари.
Според тоа што го тврдат од институцијата која се грижи за целокупната економска состојба во земјава, овие нови пари ќе бидат тешки за фалсификаторите.
Велат дека банкнотите имаат речиси безброј ситни детали по кои особено тој што е упатен да работи со пари, веднаш ќе ги препознае дали се оригинал или, пак, се фалсификувани.
Први ќе ги видат банкарите, затоа од денеска очекувајте да ги добиете на шалтер во банка, како и на каса во поголемите маркети.
Детали:
На предната страна на двестеденарката носечки мотив е репрезентативната христијанска теракотна икона, односно релјефот со претстави на старозаветните воини Јошуа и Калеб, која е датирана во 6-7 век и припаѓа на познатaта група винички теракотни икони како едни од најзначајните археолошки откритија од Македонија.
На задната страна има архитектонско-ликовен елемент од челната фасада на Шарена џамија во Тетово, еден од најатрактивните споменици на архитектурата и сликарството од османлискиот период во Македонија, за кој се смета дека бил изграден во XV век.
Кај двеилјадарката, пак, носечки мотив на предната страна е претстава на македонска невестинска носија од Прилепско Поле. На истата страна во централното лево поле е претставен приврзок во форма на афионова чашка кој е откриен во Сува Река, Гевгелија, и претставува артефакт датиран во VII век пр.н.е. што ѝ припаѓа на познатата група пајонско-македонски бронзи.
На задната страна, пак, има декорација на позлатен сад, кој потекнува од XVI век и во чие централно поле се прикажани два пауна.
Можеби ќе ве интересира
ОВИЕ РАСТЕНИЈА МОЖАТ ДА ДОНЕСАТ ВИСТИНСКО БОГАТСТВО: Годишно може да се заработат 40.000 евра, само еден грам зачин чини 40 евра
„МИНАТА ГОДИНА БЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
