ФРАНЦИЈА СТРАВУВА ОД ШИРЕЊЕ НА ВОЈНАТА НА БАЛТИКОТ! Макрон најави нова воена поддршка за Украина

Добивај вести на Viber

Унгарскиот премиер Виктор Орбан изјави дека неговата влада го поддржува членството на Шведска во НАТО и дека ќе го покани парламентот да гласа за прием на земјата во Северноатлантската алијанса.

Но, токму членството на Шведска во НАТО алијансата предизвика многу дебати и дилеми меѓу експертите, и меѓу владините рпетставници. Многумина алрмираа дека ваквата одлука може да води кон поголем воен судир, но и кон нова сетска војана.

- На сцената е глобална поделба меѓу истокот и западот и полека се појавуваат линиите на таа граница, што ќе биде основа за дијалог, пред се меѓу Русија и САД, кои ќе договорат некои принципи како таа зона треба да функционира. во мир. Како што можеме да видиме, САД се потпираат на членките на НАТО, додека Русија се потпира првенствено на источните земји. Таму имате физичка линија, линија на поделба, така што НАТО се обидува да се приближи што е можно повеќе до Русија, до таа безбедносна зона, на која Русија се противи и се обидува да најде решение. Имаме војна и во Украина, започна токму за подобро да се заштити таа безбедносна зона на Русија. Мислам дека Западот ќе мора скапо да плати за секој економски интерес во животот на своите граѓани. Особено што ресурсите се позначајни на источната страна, а не се максимално искористени. Засега одат преку Индија, која САД потоа ја продаваат овде на запад, а се добива по висока економска цена која не може да ја одржи ниту една земја - рече Жељко Шајн, политички дописник во своето излагање за „Курир.рс“.

Воедно тој појаснува дека покрај сите овие работи што се случуваат, двете страни (САД и Русија) ќе имаат едно чувство за дијалог, каде ќе седнат на маса и каде ќе се договорат. 

- Пред се, прво тајно, па потоа ќе се обелодени што е компромисот и што ќе се договори. Сите ќе се трудат што повеќе да влезат во зоната на едни со други, за подоцна да направат одредени отстапки. Кога Лавров беше во Скопје на состанокот на министерската конференција на ОБСЕ, рече дека дури се разговарало за некои можни територијални размени. Така што не е на одмет. Сепак, безбедносната зона која некогаш ги опфаќаше Шведска, Финска и други, кои се блиски до Русија, ќе инсистира на формирање тампон кој ќе ги обезбедува двете страни. Како што рече Лавров, мора да има некаков фер однос. Колку тоа денес е можно, тоа е прашањето - укажа Шајн.

Од друга страна новинарот Саша Пешиќ укажа на положбата на Франција и нејзините сегашни односи со Русија.

- Франција е поделена меѓу француската влада и француската јавност. Француската влада стравува дека по Украина, Русија има одредени територијални апетити, најмногу кон балтичките земји, пред се кон Естонија, Литванија и Латвија. Односите меѓу Франција и Русија беа малку затегнати последниве денови откако се појави веста дека Русите удриле во хотелот во кој биле сместени француските војници, т.е. војниците на Легијата на странците, па дури и излезе список на оние војници кои наводно дошле во Украина да се борат со амблемот на Легијата на странците. Франција продолжи да и дава недвосмислена поддршка на Украина во ова прашање, дури и во говорот пред околу една недела, Емануел Макрон најави нова воена поддршка за Украина со цел да се спречи руската експанзија кон Западот – рече Пешиќ.