ФРЧАТ БЛОКОВИ СО АКЦИИТЕ НА „РЕПЛЕК“, НЕКОЈ УПОРНО КУПУВА - кој плати 184 илјади евра за последните два пакети

Добивај вести на Viber

Повторно на Берзата преку блок трансакции се купуваат акции на фармацевтската компанија „Реплек“. Очигледно е дека е таа многу интересна за инвеститорската јавност, но и за менаџментот, како и за доминантните сопственции, кои постојано и јавно објавуваат дека се стекнале со нови акции на ова акционерско друштво, дури и кога станува збор за една или неколку акции. 

Вчера поминале два блока, на вкупна вредност од 184 илјади евра, со акциите на „Репшлек“, што се случи откако и во четвротокот минатата недела, исто така помина една блок трансакција со акциите на оваа компаниоја, која беше на нешто помала вредност, односно за вкупна сума од 45 илјади евра. 

На вчерашните блокови, во првиот наврат се продадени 45 акции по цена од 103.000 денари за акција, или тој блок тежел над 75 илјади евра, додека, пак, во вториот блок поминале 65 акции, исто по цена од 103.000 денари за акција, или вкупната вредност на трансакцијата е близу 109 илјади евра. 

Што значи дека двата блока вкупно тежеле над 184 илјади евра. Кој е купувачот засега не е познато. 

Инаку, цената од 103.000 денари за акција што се постигна на вчерашните блокови, е нешто пониска од онаа на минатонеделната блок трансакција, кога беа платени 103.250 денари за акција. 

А, како што Фактор објави, акционерите на „Реплек“ имаат причини за задоволство. Компанијата на крајот на април на Собрание на акционери ќе донесе одлука за распределба на дивиденда, која ќе изнесува 300 денари по акција бруто и 270 денари во нето износ. До акционерите на оваа успешна фармацевтска компанија веќе е објавен јавен повик за учество на Собранието, кое е закажано за 25 април оваа година.

Компанијата објави дека лани остварила добивка по оданочување на сума од 2,6 милиони евра, додека, пак, акумулираната добивка од минати години изнесува 1,1 милиони евра. Или, вкупно нераспределена добивка е 3,7 милиони евра.

А, вкупниот износ што е предвиден за дивиденда изнесува 1,16 милиони евра.

Се планира да се дели бруто износ од 3.000 денари по акција, и нето износ од 2.700 ден по акција

Во законски резерви ќе одат 1,38 милиони евра, а како акумулирана добивка ќе останат 1,17 милиони евра.

Ако нето дивидендата по акција изнесува 2.700 денари, Фактор направи пресметка колку би зеле дивиденда најголемите акционери во компанијата.

Па така, Душан Пецоски, кој е и најголем акционер, а и генерален директор на компанијата, кој располага со 11,98 отсто од акциите, а со оглед што компшанијата има вкупно издадени 25.920 акции, излегува дека тој би зел дивиденда на сума од над 136 илјади евра.

Неговиот брат, пак, Владимир Пецовски, кој има во свој посед 6,29 отсто од акциите, ќе наплати на име дивиденда близу 72 илјади евра.

Слично толку како дивиденда од Реплек ќе земе и Биотек, сопствениците на лаборатории, кои се нов акционер на Реплек и поседуваат 6,3 отсто од акциите, што ќе им донесе безмалку 72 илјади како дивиденда.

Акционерот „Настел“, пак, на бизнисменот Зоран Азманов, ќе наплати дивиденда од 107 илјади евра, според пресметките на Фактор.

На собранието ќе се донесе и одлука за утврдување на датуми при исплата на дивиденда за 2023 година, односно дивиденден календар. Дивидендата ќе биде исплатена во готово на трансакциските сметки на акционерите. Последен датум за тргување со право на дивиденда за 2023 година е 15 мај, а прв датум за тргување без право на дивиденда за 2023 година е 16 мај. Датум на стекнување на право на дивиденда за 2023 година е 17 мај. Исплата на дивидендата за 2023 година ќе започне од 03 јуни.

Н.Н.Ф.