(ГАЛЕРИЈА) Могерини на заедничка маса ги седна лидерите на партиите
Објавено во: Македонија, Галерија 02 Март, 2017
Шефицата на европската дипломатија, Федерика Могерини денеска е на средба со лидерите на политичките партии во Македонија.
Во Собранието, пред неполн час Могерини на заедничка маса ги седна лидерите на партиите кои освоија мандати. Таа посетата во Скопје ја почна со средба со невладините организации. По средбата во Собранието, Могерини ќе се упати кон Вилата Водно каде ќе ја пречека претседателот Ѓорге Иванов. Според најавите по средбите Могерини ќе даде изјава во која ќе ги сумира заклучоците и нејзиното видување во кој правец се движи Македонија. Деновиве таа е на турнеја низ балканските земји за да види како тие напредуваат во реформите.
ФОТО ФАКТОР