(ГАЛЕРИЈА) Скопје и Македонија го обележаа Водици, од граѓаните пратена порака за името
Објавено во: Македонија, Галерија 19 Јануари, 2019
Бог се јави. Навистина се јави. Вака меѓусебе граѓаните од христијанска вероисповед се поздравуваат на денешниот празник Богојавление Водици посакувајќи здравје, мир и среќа за сите.
Ширум државата заврши традиционалното положување на светиот крст во водите.
Илјадници граѓани во мирна атмосфера ја следеа манифестацијата во главниот град. Христијан Нинески кој има 25 години беше насреќен меѓу Скопјани. Тој како што кажа се фрла по шестти пат и токму денес за прв пат го фаќа крстот кој во Вардар од мостот „Слобода“ го положи и Архиепископот Охридски и Македонски г.г. Стефан.
Во скопски Карпош каде крстот во водите на Вардар беше положен од железниот мост најсреќен меѓу верниците беше Илија Блажевски кој и минатата година го извади светиот крст.
Васко Панчовски го извади чесниот крст од водите на река Брегалница во Делчево
Деветнаесетгодишниот Цветко Митрески го извади светиот крст од водите на реката Црн Дрим во Струга. Стружанецот, кој десетти пат скокал по светиот крст, три пати го фаќал во Дебар, а прв пат во родната Струга. Дваесет и седумгодишниот Дарко Илов по втор пат го фати светиот крст во Црна Река кај Росоман.
Во Скопје, на манифестацијата пак беше испратена и порака до властите.
„Името ни е идентитетот“ пишуваше на голем постер распослан на кејот на Вардар во Центар.