Ганка Цветанова се посомнева во Елизабета Канческа Милевска

Добивај вести на Viber

Во комуникација на две поранешни министерки за култура од редовите на ВМРО-ДПМНЕ, Ганка Самоилова ја праша на Твитер својата наследничка Елизабета Канческа Милевска дали како пратеник ќе гласа позитивно за уставни изменина собраниската седница во согласност со роковите од преспанскиот договор.

„Ја повикувам поранешната министерка за култура и пратеничка од редовите на ВМРОДПМНЕ, Елизабета Канческа Милевска јавно и недвосмислено да се произнесе дали ќе гласа за уставните измени! Барем толку и’ должи на македонската култура која ја застапуваше во изминативе 11 години!“, напиша таа на Твитер. 

Канческа-Милевска вчера на расправата истакна дека е против начинот на кој е направен договорот со Грција, но сепак остави простор и услови да се дојде до усогласување помеѓу СДСМ и ВМРО-ДПМНЕ.

„Ако се одеше според закон и ние како пратеници ќе знаевме што содржи договорот. Вие ја ограничивте и можноста да дебатираме преку ставањето на договорот на Комисијата за европски прашања. Тоа доведе сега пратениците да треба да одлучуваат, а и самиот референдум докажа дека е погрешно воден процесот. Факт e оти референдумот е неуспешен и колку да се обидуваме, не можеме да ги промениме бројките кои се фиксни и се знаат. Сите сме согласни за ЕУ и НАТО, но не можете да организирате референдум и да прифатите промена на Уставот без да обезбедите национален консензус“, рече Канческа Милевска.