18 Јули, 2024
0.0246

Генерали Инвестментс: За пазарите на капитал, инфлацијата во САД е поважна од европските избори

Објавено во: Финансии 19 Јуни, 2024

Добивај вести на Viber

И покрај тоа што минатата недела се случија два важни настани (избори за Европскиот парламент и состанок на американската централна банка), најавата за месечна инфлација во САД овојпат имаше најголемо влијание врз курсевите на берзата, што ги изненади инвеститорите позитивно.


Како што беше споменато, централната банка во САД не ја промени основната каматна стапка во согласност со очекувањата. Со оглед на тоа што немаше изненадувања, ниту курсевите не флуктуираа многу. Сосема поинаку беше по објавувањето на месечниот извештај за инфлацијата на Бирото за труд на САД, која се намали на 3,4% на годишна основа (базична инфлација). Последен пат толку ниска вредност беше во април 2021 година. Ова го зголеми оптимизмот кај инвеститорите дека централната банка сепак ќе ја намали каматната стапка оваа година. Дополнителна тежина на овие очекувања даде и најавата дека во последната недела за надоместок за невработеност се пријавиле повеќе од очекуваното (всушност 242 илјади, очекувани 225 илјади). Сето ова ги наведе инвеститорите да купуваат и обврзници и акции. Како резултат на тоа, 10-годишната државна обврзница го намали приносот за 0,2% (во моментов приносот е 4,21%). Приносот на американскиот берзански индекс S&P 500 порасна за 2,62% во последната недела, а глобалниот берзански индекс MSCI World, врз кој најголемо влијание има американската берза, за 1,40%. Растот сè уште е поттикнат од големите технолошки компании, од кои најистакнат е производителот на полупроводници Nvidia. По поделбата на акциите 1:10, таа порасна за 10,2% во последната недела. Најавата на Apple дека ќе користи вештачка интелигенција во своите системи исто така помогна за пораст од 9%. Исто така, треба да напоменаме дека акционерите на Тесла изгласаа награда за нивниот извршен директор од 48 милијарди долари, а инвеститорите на тоа реагираа позитивно. Акцијата забележа поскромна добивка од 1,3% во текот на изминатата недела.

Во Европа мнозинството инвеститори сосема смирено ги прифатија изборните резултати, што укажува на малку подесничарска ориентација на новиот состав на Европскиот парламент. Исклучок од ова беше Франција, бидејќи актуелниот претседател распиша предвремени избори по катастрофалниот резултат. Францускиот берзански индекс CAC 40 поради тоа изгуби 6,2% во последната недела. Падна и цената на 10-годишната француска државна обврзница, што следствено го зголеми нејзиниот принос за 0,1% и моментално изнесува 3,16%. Поширокиот европски берзански индекс загуби 2,35% на неделно ниво. Истовремено, треба да се напомене дека Европската комисија воведе дополнителни давачки за електрични возила од некои кинески производители, кои изнесуваат максимални 48%. Со оглед на тоа што одредбата треба да стапи во сила дури за 4 месеци и што директорите на истакнати германски конкуренти веќе покренаа сомнеж за смислата да се направи вакво нешто, останува прашањето дали тоа воопшто ќе се случи. Интересно, мерката ги погоди акционерите на најголемите европски компании (Volkswagen – 9,1%, Mercedes -3,1%, BMW -4,5%) повеќе од кинеските (најголемиот кинески производител на возила BYD + 1,6%).

Во изминатата недела имаше некои најави од Кина кои покажуваат дека потрошувачот останува внимателен и покрај тоа што земјата се уште ја мачи криза во секторот на недвижности. Инфлацијата во мај е намалена за 0,1% во однос на април, индексот на производителите е намален за 1,4% во однос на претходната година и со тоа е во пад 20 месеци по ред. Кинескиот берзански индекс MSCI изгуби 0,09% во изминатата недела. Со оглед на тоа дека во Кина беше празник и луѓето одат на одмор, дури и податокот за годишен раст на потрошувачката на туризмот од 8,1% не е баш охрабрувачки, бидејќи потрошувачката се уште е под нивото на предпандемиското ниво, а дополнително тие пресметаа дека и потрошувачката на индивидуални туристи паднала за 12,3% во однос на претпандемиската 2019 година.

ПР Објава

Можеби ќе ве интересира

Генерали Инвестментс: Зелено, те сакам зелено…

Генерали Инвестментс: Зелено, те сакам зелено…

Одлука на Народната банка: Од август 2025 година стапката на противцикличниот заштитен слој на капиталот ќе изнесува 1,75 отсто

Одлука на Народната банка: Од август 2025 година стапката на противцикличниот заштитен слој на капиталот ќе изнесува 1,75 отсто

СТОПАНСКА БАНКА БИТОЛА ЗНАЧАЈНО СЕ „СТЕГНА“ - загубата се претвори во добивка од над 800 илјади евра, еве какви се плановите

СТОПАНСКА БАНКА БИТОЛА ЗНАЧАЈНО СЕ „СТЕГНА“ - загубата се претвори во добивка од над 800 илјади евра, еве какви се плановите

ТАЈНАТА СОСТОЈКА НА ОЗЕМПИК ВО ТРКА ЗА ОСВОЈУВАЊЕ НА ПАЗАР ОД 100 ИЛЈАДИ ЕВРА: Се бори за водечка позиција

ТАЈНАТА СОСТОЈКА НА ОЗЕМПИК ВО ТРКА ЗА ОСВОЈУВАЊЕ НА ПАЗАР ОД 100 ИЛЈАДИ ЕВРА: Се бори за водечка позиција

КЛИМА УРЕДИТЕ ПУШТЕНИ НА НАЈЈАКО: Еве која температура е погубна за сметките

КЛИМА УРЕДИТЕ ПУШТЕНИ НА НАЈЈАКО: Еве која температура е погубна за сметките

ДУРИ 1.500 ЕВРА ЗА КЕЛНЕР ВО ГРЦИЈА, ИСТО ТОЛКУ ЗА ЧИСТЕЊЕ ВО ХРВАТСКА, ОД 800 ЕВРА ЗА СОБАРКИ ВО ЦРНА ГОРА: Еве колкава плата може да земете како сезонски работник во некоја од земјите на Балканот

ДУРИ 1.500 ЕВРА ЗА КЕЛНЕР ВО ГРЦИЈА, ИСТО ТОЛКУ ЗА ЧИСТЕЊЕ ВО ХРВАТСКА, ОД 800 ЕВРА ЗА СОБАРКИ ВО ЦРНА ГОРА: Еве колкава плата може да земете како сезонски работник во некоја од земјите на Балканот

МАЛА БАНКА, АМА „ТЕХНИЧАРКА“, ПЛАТЕНИ 100 ИЛЈАДИ ЕВРА ЗА НЕЈЗИНИТЕ АКЦИИ ЗА ЕДЕН ДЕН - кој купува од ТТК Банка

МАЛА БАНКА, АМА „ТЕХНИЧАРКА“, ПЛАТЕНИ 100 ИЛЈАДИ ЕВРА ЗА НЕЈЗИНИТЕ АКЦИИ ЗА ЕДЕН ДЕН - кој купува од ТТК Банка

ДОЛАРОТ ЗАЈАКНА, РАСТ И НА АМЕРИКАНСКИТЕ БЕРЗИ: пресврт на пазарите, нафтата поевтинува, еве ги деталите

ДОЛАРОТ ЗАЈАКНА, РАСТ И НА АМЕРИКАНСКИТЕ БЕРЗИ: пресврт на пазарите, нафтата поевтинува, еве ги деталите

АКЦИИТЕ НА МЕДИУМСКАТА КОМПАНИЈА НА ДОНАЛД ТРАМП ПОРАСНАА ЗА 50 ОТСТО ПОСЛЕ АТЕНТАТОТ - причина се зголемените очекувања за победа

АКЦИИТЕ НА МЕДИУМСКАТА КОМПАНИЈА НА ДОНАЛД ТРАМП ПОРАСНАА ЗА 50 ОТСТО ПОСЛЕ АТЕНТАТОТ - причина се зголемените очекувања за победа