Германци го купуваат „Аеродромот Љубљана“

Добивај вести на Viber

Германската компанија Фрапорт понуди најдобри услови за купување на „Аеродромот Љубљана“, па изгледа дека договорот за превземање ќе го потпишат веќе следната година.

Тие се заинтересирани и за купување на Аеродромот „Никола Тесла“ во Белград, пишува љубљански Дневник.

Фрапорт во клучните преговори за „Аеродромот Љубљана“ понуди повеќе од конкурентите на тендерот од Италија и Франција, и неколку финансиски фондови кои исто така биле заинтерсирани, а цената по која ова воздушно пристаниште ќе биде продадено официјално не е позната, наведува весникот.

Како што се додава, Фрапорт судејќи по се идната недела ќе го потпиша договорот за превземањето на љубљанскиот аеродром со Словенскиот државен холдинг (СДХ), агенцијата на владата која управува со портфолиото на државниот имот и приватизација.

„Аеродромот Љубљана“ е една од 15 компанија која словенската влада ја вклучила во првиот круг на приватизацијата на државниот имот, а Дневник наведува дека со аеродромот во Словенија германската компанија има големи планови, посебно во областите на сообраќајот, бидејќи има големи планови во целиот регион,а најблискиот аеродром со кој управува и чиј сопственик е се наоѓа во Бугарија.

Фрапорт е заинтересиран и за купување на Аеродромот „Никола Тесла“ во Белград, и еден од најсериозните конкуренти за негово превземање, наведува љубљанскиот дневен весник.