ГЕРМАНЦИТЕ ВО ГОЛЕМ ПРОБЛЕМ СО РАБОТНАТА СИЛА: Имаат се повеќе неспособни за работа, ослободени дури 700.000 работни места

Добивај вести на Viber

Германскиот пазар на труд веќе ќе пропаднеше без странски работници, а минатата година најголем број нови вработени дојдоа од земји надвор од Европската унија, пред се Украина и Индија, објави во средата Федералната канцеларија за вработување во Нирнберг.

– Во периодот меѓу јуни 2022 и јуни 2023 година, 53.000 Украинци се вработиле во Германија, а во исто време 24.000 Индијци – вели директорката на Сојузниот завод за вработување, Андреа Налес.

Таа рече дека лани најголем број од оние кои се вработиле во Германија се од некоја од земјите надвор од Европската унија.

Налес рече дека овој тренд ќе продолжи и во иднина, посочувајќи на демографската состојба во Германија, но и на фактот дека се помалку граѓани од новите земји на Европската унија доаѓаат да работат во Германија.

- Тие се соочуваат и со демографски проблеми и со намалување на бројот на работоспособни граѓани - посочува Налес.

И покрај благото зголемување на стапката на невработеност, 700.000 работни места се уште се непополнети во Германија.

- Оние кои моментално немаат работа, без разлика дали се староседелци или имигранти, ќе биде се потешко да најдат работа, бидејќи повеќето од нив се луѓе кои се постари или кои немаат никакви квалификации - објаснува Налес. .

Сојузниот министер за труд Хубертус Хајл исто така изјави дека рекордниот број вработени во Германија е директно поврзан со имиграцијата.

– 217.000 вработени повеќе од пред една година се исклучиво на сметка на имигрантите надвор од Европската унија – рече Хејл за време на дискусијата во Бундестагот.

Во Германија во моментов има 2,8 милиони работоспособни луѓе без постојано вработување, што одговара на стапка од 6,1 отсто.

Курир.рс