Германија стартува со многу олеснувања за вакцинираните

Добивај вести на Viber

Германија неделава воведува голем број олеснувања за вакцинираните граѓани. 

Укинувањето на многу ограничувања на личните контакти, слободата на движење и обврската за тестирање на вакцинираните и оние кои го прележале коронавирусот. 

Според германските медиуми, повикувајќи се на владини извори, ова може да помине низ собраниска процедура оваа недела.

Говорејќи во прилог на укинување на обврската за усогласување со некои антипандемиски мерки, како што се забрана за ноќни излегувања или задолжително тестирање и карантин по враќањето од странство, водечките политичари во владејачката коалиција последните денови нагласија дека не станува збор за привилегии, туку за враќање на основните граѓански права на оние кај кои веќе не постои опасност од ширење на заразата.

За одредбата треба официјално да реши владата на утрешната редовна конференција, а долниот и горниот дом на парламентот, Бундестагот и Бундесратот, би можеле да одлучат за тоа во четврток и петок.

Владата се повикува на сознанијата на државниот Институт за епидемиологија Роберт Кох, кој објави дека вакцинираните лица имаат помала веројатност да ја шират заразата отколку луѓето со негативен тест. 

Досега се администрирани повеќе од 150 милиони дози на вакцините, а четвртина од Европејците примиле барем една доза од вакцината, објави денеска претседателката на Европската комисија, Урсула фон дер Лајен. 

Вакцинацијата во Европа се забрзува.