Германија воведува „кризен данок“ за супербогатите – дали е ова доказ дека европската локомотива е во неволја!

Добивај вести на Viber

Германската владејачка партија, Социјалдемократите (СПД) на канцеларот Олаф Шолц, подготви иницијатива за реструктуирање на економијата за да се справи со економската криза и да наметне прераспределба на парите во земјата, објави РНД, цитирајќи нацрт-предлог за економска политика за декемвриската конференција на партијата.

Според извештајот, партијата сака да ги реформира регулативите со ставање привремен „кризен данок“ на највисоките заработувачки во земјата, покрај оние што веќе плаќаат.

Истовремено, тие планираат да ги реформираат правилата за данок на наследство и подароци, така што „супербогатите“, мултимилионерите и милијардерите ќе придонесат повеќе од оние со пониски примања. Се очекува овој потег да ги намали даноците за 95 отсто од населението, но сепак да се зголемат приходи, кои партијата ги нуди за инвестирање во образованието.

СПД, исто така, предложи создавање на државен фонд за активирање на приватниот капитал и создавање годишен обем на инвестиции од 100 милијарди евра.

Понатаму, партијата повикува на ограничување на јавниот долг, предлогот е земјата да не може да се задолжува повеќе од 0,35 отсто од годишниот БДП, но да дозволи исклучоци во кризни ситуации. Реформата на механизмот, смета таа партија, ќе овозможи дополнителни инвестиции во инфраструктурата, заштитата на климата, дигитализацијата и образованието.

Меѓу другите предложени мерки се зголемување на минималната плата, обезбедување пократко работно време без губење на платите и намалување на цените на енергијата со воведување „индустриска цена на струјата“.

На крајот, преку предложените мерки, СПД сака да обезбеди отворање на еден милион нови работни места во Германија до 2030 година. Според извештајот, нацрт-предлогот би можел да биде вклучен во изборната кампања на СПД во 2025 година.

- Германија стана премногу комплицирана, прескапа, премногу бавна во многу области - се наведува во документот.

Германската економија слабее со месеци. Официјално падна во техничка рецесија во првиот квартал од годината во услови на висока инфлација, повисоки каматни стапки и предизвици во преработувачкиот сектор поради повисоките трошоци за енергија. Во следниот квартал имаше скромен раст од 0,1 отсто, но БДП загуби приход и беше помал за 0,1 проценти во третиот квартал од годината.

Минатиот месец, извршниот директор на Дојче банк, Кристијан Шивинг, предупреди дека економијата ризикува повторно да стане позната како „Болен од Европа“, како што беше кон крајот на 1990-тите, доколку Берлин не усвои структурни реформи.