ГЕРМАНСКА БОЛНИЦА ДАЛА ОТКАЗ НА ДОКТОРКА КОЈА ЗАМИНАЛА 28 МИНУТИ ПОРАНО: Сега треба да ѝ исплати 400.000 евра

Добивај вести на Viber

Д-р Франциска Шлосер веднаш била отпуштена откако нејзините колеги пријавиле дека ја напуштила болницата во Хамбург 28 минути порано по нејзината 24-часовна смена.

„Не можам да дозволам обвинението да стои така. Не направив ништо лошо. Сега доаѓаат и ја конструираат оваа измама со работно време. Апсурдно е“, вели 54-годишниот докторка, која тво болницата работела 23 години.

Таа доби поддршка и од Marburger Bund (MB), најголемото германско лекарско здружение. Шефот на болницата Филип Ветенгел изјави дека немаат намера да се борат против лекарката. „Тие рекоа дека си заминала рано. Изјавата на сведокот беше веродостојна. Но, не знам што точно се случи и сакам да го завршам ова“, изјави Ветенгел на судот во Хамбург.

Судот смета дека обвинувањата против неа се неосновани. Но, по 23 години поминати во болница, деловниот однос меѓу докторката и болницата е завршен. Обвинението е повлечено, а таа добила отпремнина, пишува магазинот Феникс.

Двете страни се договорија за спогодба: Франциска Шлосер ќе ја напушти болницата и ќе добие отпремнина од 400.000 евра.

„Голем товар ми падна од срце бидејќи процедурата е завршена. Ќе се смирам малку, ќе земам воздух и ќе барам нова работа“, изјави докторката во интервју за германски RTL.