GFF Македонија - Зајакнување на малите и средни претпријатија за одржлив раст

Добивај вести на Viber

Во 2024 година, започна иновативната програма GFF Macedonia, со цел поддршка на малите и средни претпријатија преку финансиски производи за зелена енергија. Оваа програма, предводена од EBRD, со поддршка на Владата на Република Северна Македонија и Joint SDG Fund, преку UNDP, претставува значаен чекор кон одржлив раст и зелена економија.

За кого е наменета Кредитната линија ГФФ?

Кредитната линија е наменета за приватни компании, вклучувајќи ги и трговците-поединци, кои работат во Северна Македонија, а кои сакаат да инвестираат во висококвалитетна и зелена опрема и ја исполнуваат дефиницијата на ЕУ за мали и средни претпријатија, односно: компании кои имаат помалку од 250 вработени и имаат годишен обрт не поголем од 50 милиони евра, и/или имаат годишна актива не поголема од 43 милиони евра. За ГФФ се прифатливи претпријатијата кои работат во секторите: производство, земјоделство, услуги, градежништво, трговија, транспорт и производство на зелена енергија.

Финансиски бенефити за локалните претпријатија

Green Finance Facility (GFF) обезбедува до 30 милиони евра за финансирање зелени проекти преку локални банки и лизинг компании. Партнерските финансиски институции кои во моментов се вклучени сеПроКредит Банка, Шпаркасе Банка и Шпаркасе лизинг. Малите и средни претпријатија (МСП) може да добијат грант до 5% за проекти кои се фокусирани на енергетска ефикасност или до 10% за инвестиции во обновливи извори на енергија или комбинација од двата вида на инвестиции.

Како функционира процесот?

Средствата се доделуваат по успешно завршените инвестиции, а одобрувањето на апликациите е брзо и едноставно благодарение на Селекторот на Зелена Технологија – веб портал развиен од EBRD. Овој портал овозможува лесен пристап до листа на прифатливи технологии со високи перформанси, кои се однапред одобрени за финансирање. Клиентите можат да генерираат сертификат за пред-одобрување, со што процесот станува уште поефикасен.

Предности за македонските компании

Освен финансиските грантови, програмата нуди бесплатна техничка помош за подготовка на проектите и проценка на нивната прифатливост. Оваа поддршка, достапна за македонските компании, им помага на претпријатијата да ги искористат предностите на инвестициите во зелени технологии, како што се соларни панели, енергетски ефикасни системи за греење и ладење, и други иновации кои можат значително да ги намалат оперативните трошоци.

Иднина со зелена економија

GFF Macedonia ја поттикнува транзицијата кон зелена енергија и одржлив економски развој. Со намалување на зависноста од традиционалните извори на енергија, програмата има за цел да ја зголеми конкурентноста на локалните претпријатија и да ја подобри еколошката свест, што ќе придонесе за намалување на емисиите на стакленички гасови и загадувањето на воздухот.

Придружете се кон иднината на зелена енергија и намалете ги оперативните трошоци на вашата компанија со GFF Macedonia. Посетете ја веб-страница за повеќе информации и започнете со вашата апликација уште денес.