Ѓорѓи Јанчевски: Банките пливаат во пари – 600 милиони евра и позајмиле на Владата!

Добивај вести на Viber

Пониски профити, голема ликвидност, но кредитирање во знакот на претпазливост. Првиот човек на Здружението на банкари ја сумира банкарската 2013 та година и оценува дека растот на кредите не може да биде поголем од стапката на раст на економијата. „Банкaрскиот сектор цела година добро се држи. Нема да ги има тие резултати во однос на профитот како минатата година, но во овие услови добро се движи. Имаме намалена кредитна активност кај фирмите, а би рекол нормална кредитна активност кај граѓаните, каде што имаме пораст од 10% . Она што се случуваше минатата година имаше одраз и кај банките, особено во делот на кредитирање на фирмите, бидејќи кога има рецесија не може да има зголемени кредитни активности. “ – изјави Јанчевски и додаде : „Втората половина на годината откако два квартали по ред економијата бележи пораст, веќе имаме знаци на опоравување во делот на кредитирање на компаниите. Моите очекувања се дека ќе имаме релативно добра година во банкарскиот сектор, без поголем пораст на нефункционалните кредити. И идната година во овие стабилни макроекономски услови со ниска инфлација и со пораст кој веќе се очекува и во третиот квартал, дека ќе се засилат и кредитните активности“ – изјави директорот на НЛБ Тутунска Банка и прв човек на банкарското здружение. Тој оцени дека банките имаат висок степен на ликвидност и дека во момнетов дел од тие пари или скоро 600 милиони евра чуваат кај државата по основ на записи и обврзници.