ЃОРЃИЕВСКИ ИМ ЈА ПОКАЧИ ПЛАТАТА НА ВРАБОТЕНИТЕ ВО КИСЕЛА ВОДА: Еве за колку ќе им рипне банкарското салдо на општинарите

Добивај вести на Viber

За 5000 денари повисоки плати за вработените во општината! Потпишан е значаен договор со Синдикатот, кој овозможува покачување на платите на административните службеници од општина Кисела Вода. Почнувајќи од февруари, тие од општината ќе добијат покачување од 3.000 денари, додека со предвиденото покачување на минималната плата од страна на Владата на Република Македонија, вкупното зголемување на мартовските плати, ќе изнесува околу 5.000 денари, објави градоначалникот на Кисела Вода, Орце Ѓорѓиевски.

Тој истакна дена оваа одлука е резултат на посветеност кон подобрување на условите за работа и мотивацијата на административните службеници, кои се клучен дел од функционирањето на локалната самоуправа.

„Во последните три години, Општина Кисела Вода бележи видлив напредок во сите области на своето работење.

Овие резултати, меѓу другото, се должат на посветеноста и професионализмот на нашите административни службеници.

Успешна општина значи задоволни граѓани кои добиваат брза и ефикасна услуга, а тоа е невозможно без мотивирана и вредна администрација.

Со ова покачување на платите, сакаме да покажеме дека нивниот труд е ценет и дека ќе продолжиме да инвестираме во луѓето кои се основа на напредокот на општината.“, објави тој.