Глигор Бишев најавува прегрупирање во банкарскиот сектор, се спрема ли Шпаркасе за силен пробив на пазарот?

Добивај вести на Viber

Првиот човек на Шпаркасе банка најави можни прегрупирања на банкарскиот сектор. „Имајќи ја во превид големина на македонската економија и бројот на банки и стандардите за профитабилноста, стабилноста и економијата на обемот, најверојатно ќе мора да дојде до окрупнување на банкарскиот сектор“, изјави во емисијата Патот до успехот на 24 вести Глигор Бишев, новиот директор на Шпаракасе банка. Бишев вели дека таков процес се одвива во сите земји во светот, тоа не е новост нити за Македонија. „Ние во Шпаркасе сеуште не сме ја изградиле во детали нашата долгорочна стратегија, но нашата цел е да бидеме пример на корпоративна банка, да ги донесеме вредносните системи на Шпаркасе и Ерсте групација, а знаејќи го и локалниот амбиент на стопанисување, целта е банката да расте да нуди ефикасни услуги, клиентите да бидат задоволни и ако клиентите тоа го препознаат, во што јас сум уверен,  Шпаркасе ќе расне и по други основи. Ние тоа ќе го земеме во предвид во нашите стратегии“ изјави Бишев. Тој смета дека сегашната ситуација е неодржлива. „Според стандардите на 2 милиони жители, 16 банки не даваат профитабилност за акционерите, таква каква што е во светски рамки. Тука станува збор и за ефикасноста на работењето. Но, за ова прегрупирање се зборува 10 години, најверојатно со забрзувањето на темпото кон ЕУ, веројатно и притисокот ќе се зголеми, во која временска дименизја ќе биде тоа ќе покаже времето“ изјави Бишев. Преминувањето на Глигор Бишев од Стопанска банка во Шпаркасе Банка беше еден од клучните настани во банкарскиот сектор годинава. Упатените протолкуваа дека тоа е знак за силен пробив на Шпаркасе на македоснкиот пазар со можност за нејзино здружување или преземање на некоја од постоечките банкарски куќи.