ГО ИСПОЛНИ СОНОТ НА ЦЕЛИОТ БАЛКАН, НО НЕ Е ЗАДОВОЛЕН: Ја имам познатата виза и се чувствувам заробен -Овој човек го сподели своето искуство од животот во Германија

Добивај вести на Viber

Не е тајна дека голем број луѓе од  Балканот сакаат да заминат во странство. Главна причина за заминување најчесто се подобрите услови за живот, работата, повисоките плати... Земјата која најчесто ја избираат е Германија. Искуствата на луѓето се различни, еден Србин го сподели своето, што и не е баш најдобро.

На социјалната мрежа Редит, балканец го опиша своето искуство од живеење и работење во Германија. Вели дека го исполнил сонот, но се чувствува заробен.

- Како се справувате со презаситеноста на вашата работа и немањето опции? „Успеав“ да се иселам од државата, како „сон на многумина“. Еве ја имам и таа „фамозна виза и работна дозвола“ во Германија. Се населив во Франкфурт, добив стан, се погрижив за сите административни работи, почнав да работам, но секој ден се прашувам зошто и која е всушност целта. Работам на прекрасно градилиште каде сè звучи кул, но во реалноста тоа е екстремно физичка работа 10 часа и 30 минути на ден, од понеделник до сабота, како маѓепсан круг што станува се потешко и потешко да се толерира.

Доаѓам во моето студио, се истуширам и јадам и одам да спијам за да имам сила да го направам истото повторно утре.

Се чувствувам заробено, не го знам јазикот и немам време да го научам, па кога размислувам за промена на работното место, автоматски се ограничувам на исти или слични работи.

Под оваа објава имаше коментари:

- Се чувствувам исто како и ти. Тоа е како да работите на лента за трчање.

- ... Не знам што да ти пишам, можам само да ти кажам дека те разбирам, тоа беа само дел од коментарите.

Да потсетиме, Германија неодамна воведе неколку промени во своите правила за имиграција и државјанство, фокусирајќи се на квалификувани работници и постојан престој, наместо на визи.