27 Јули, 2024
0.0271

Гоце Спасов со „Млин Аргулица“ ги полни државните резерви, а сега го проширува бизнисот

Објавено во: Економија 07 Декември, 2023

Добивај вести на Viber


Скопскиот бизнисмен Гоце Спасов како сопственик на „Млин Аргулица“ во последните две години е најголемиот снабдувач со жито на Агенцијата за стокови резерви. Со почетокот на војната во Украина, државата презеде специјални мерки, а една од нив беше засилено полнење на силосите со пченица и други житни култури. Меѓу компаниите кои ги добија најголемите договори, преовладува името на таа на Спасов.

Во последните 15-16 месеци Агенцијата за стокови резерви склучи неколку договори со компанијата од Карбинци за набавка на пченица и јачмен во вредност од над 500 милиони денари.

- Ние сме три фирми што останавме поконкурентни во Македонија од таа дејност што можеме да ги задоволиме потребите, затоа што треба да се задоволат одредени услови, а ние имаме транспорт и добро сме позиционирани. При тоа треба да приложуваме банкарска гаранција, а постигнатата цена во договорите не смееме да ја зголемуваме. Еднаш се случи да ја носам за 16 денари пченицата, а доколку ја немав таа обврска, на берзата можев да ја продадам за 20 денари по килограм. Ние работиме во околината на Штип и светиниколско, а таму успева јачменот и можеби затоа станавме поконкурентни во однос на другите. Згора на тоа, можам да кажам дека за лани и немав некоја голема добивка, вели Спасов.

Скопскиот бизнисмен тргува со жито главно од Србија и Македонија, но тврди дека оваа дејност бара многу познавање, затоа што има многу пазарни ризици.

- Некогаш залихите се нереални и пазарот станува буквално мртов. Треба да се чека нов момент. Благодарение на силосите кои ги поседуваме, го одржуваме она што го имаме и чекаме да се размрда пазарот со првите снегови. Мора да се следи берзата постојано и може да се влезе во голем ризик ако не ја предвидите добро ситуацијата кога да делувате, тврди сопственикот на „Млин Аргулица“.

Спасов вели дека неговата фирма е основана во 2005, а тој дека работи со трговија и производство на земјоделски производи од својата 21-година. Лани се крена голема врева од одредени кругови дека Македонија за своите потреби ги полни складиштата со српска, наместо со македонска пченица.

- Ние имаме домашен дел што исполнува стандарди, но не може се со тоа да се покрие. Затоа, другото е трговија со соседството каде што бараме конкурентни цени, додава Спасов.

Сепак, во последните неколку месеци Спасов прави неколку нови бизнис потфати. Прво го презема Кит-Го Аграр од штипскиот бизнисмен Кирил Гогов.

- Поточно, станува збор за купување на складиште, бидејќи господинот Гогов најверојатно повеќе нема интерес да работи во таа дејност, вели тој.

Од минатиот месец Спасов е основач на две нови фирми - Жито Инвест Штип и Гемакорп Штип.

- Првата е за откуп на пченица и други житни култури од комитенти и задруги, со што ќе се обидеме да направиме извоз надвор од Македонија. Втората е градежна фирма со која сакаме да направиме реконструкција на силос во Крупиште со капацитет од 6.000 тони и да аплицираме за грант од ИПАРД програмата, додава Спасов.

А.К.

Можеби ќе ве интересира

ГОЛЕМ ПАД НА ЦЕНИТЕ НА АКЦИИТЕ НА АВТОМОБИЛСКИОТ ГИГАНТ - вредноста срозана за 16 отсто после неколку лоши деловни резултати

ГОЛЕМ ПАД НА ЦЕНИТЕ НА АКЦИИТЕ НА АВТОМОБИЛСКИОТ ГИГАНТ - вредноста срозана за 16 отсто после неколку лоши деловни резултати

ГРЧКИОТ АКЦИОНЕР ЕЛ.П.ЕТ БАЛКАНИКИ ЈА ЗАСИЛУВА СВОЈАТА СОПСТВЕНОСТ - сега поседува 82,1 отсто од скопската рафинерија

ГРЧКИОТ АКЦИОНЕР ЕЛ.П.ЕТ БАЛКАНИКИ ЈА ЗАСИЛУВА СВОЈАТА СОПСТВЕНОСТ - сега поседува 82,1 отсто од скопската рафинерија

КОМПАНИИТЕ ОД ЛИСТАТА FORTUNE 500 ИЗГУБИЈА ОКОЛУ 5,4 МИЛИЈАРДИ ДОЛАРИ - причина е грешката во CrowdStrike

КОМПАНИИТЕ ОД ЛИСТАТА FORTUNE 500 ИЗГУБИЈА ОКОЛУ 5,4 МИЛИЈАРДИ ДОЛАРИ - причина е грешката во CrowdStrike

ЕВЕ ШТО СЕ СЛУЧИ ДЕНЕС НА РАСПРАВАТА ЗА РЕБАЛАНСОТ НА БУЏЕТОТ: Лукаревска ја прекина седницата, истата ќе продолжи утре

ЕВЕ ШТО СЕ СЛУЧИ ДЕНЕС НА РАСПРАВАТА ЗА РЕБАЛАНСОТ НА БУЏЕТОТ: Лукаревска ја прекина седницата, истата ќе продолжи утре

ИНДУСТРИЈАТА ЗА ЛУКСУЗНИ ПРОИЗВОДИ ПОКАЖУВА ЗНАЦИ НА КРИЗА: Колку познати брендови ќе исчезнат за пет години?

ИНДУСТРИЈАТА ЗА ЛУКСУЗНИ ПРОИЗВОДИ ПОКАЖУВА ЗНАЦИ НА КРИЗА: Колку познати брендови ќе исчезнат за пет години?

ЕВЕ КОЈ ДЕЛ Е НАЈПРОБЛЕМАТИЧЕН ВО ИЗГРАДБАТА НА АВТОПАТОТ КИЧЕВО - ОХРИД: И покрај проблемите, ќе биде изграден до 2026 година

ЕВЕ КОЈ ДЕЛ Е НАЈПРОБЛЕМАТИЧЕН ВО ИЗГРАДБАТА НА АВТОПАТОТ КИЧЕВО - ОХРИД: И покрај проблемите, ќе биде изграден до 2026 година

КОЈА Е ЦЕНАТА ШТО ЌЕ ЈА ПЛАЌААТ СКОПЈАНИ ЗА ПАРНО? Еве кога ќе се дознае износот

КОЈА Е ЦЕНАТА ШТО ЌЕ ЈА ПЛАЌААТ СКОПЈАНИ ЗА ПАРНО? Еве кога ќе се дознае износот

КОМПАНИЈАТА ВИНОВНА ЗА ОГРОМНИОТ ПАД НА СИСТЕМОТ, НА РАБОТНИЦИТЕ ИМ ДАЛА ВАУЧЕРИ ОД 10 ДОЛАРИ: И тие не работеле!

КОМПАНИЈАТА ВИНОВНА ЗА ОГРОМНИОТ ПАД НА СИСТЕМОТ, НА РАБОТНИЦИТЕ ИМ ДАЛА ВАУЧЕРИ ОД 10 ДОЛАРИ: И тие не работеле!

ГОРДОСТА НА ГЕРМАНИЈА НА КОЛЕНА: 30.000 работници останаа без работа - евидентирана загуба од над една милијарда евра

ГОРДОСТА НА ГЕРМАНИЈА НА КОЛЕНА: 30.000 работници останаа без работа - евидентирана загуба од над една милијарда евра