ГОЛЕМА ПОБЕДА НА ТЕХНОЛОШКИТЕ КОМПАНИИ, ПАМЕТНИТЕ ТЕЛЕФОНИ И КОМЈУТЕРИТЕ ЌЕ БИДАТ ИСКЛУЧЕНИ ОД ЦАРИНИТЕ - ќе влезат и другите електронски уреди

Добивај вести на Viber

Паметните телефони и компјутерите се меѓу многуте технолошки уреди и компоненти кои ќе бидат ослободени од реципрочните тарифи наметнати од претседателот Доналд Трамп, според новите упатства од Царината и граничната заштита на САД, јавува американската тв-мрежа Си-Ен-Би-Си.

Упатството, издадено доцна навечер во петокот, доаѓа откако Трамп на почетокот на овој месец воведе царини од 145 отсто на производи од Кина, потег што се закануваше да им наштети на технолошките гиганти како „Епл“e, кој произведува iPhone и повеќето други негови производи во Кина.

Упатството, исто така, вклучува исклучоци за други електронски уреди и компоненти, вклучувајќи полупроводници, соларни ќелии, ТВ екрани со рамен панел, флеш-уреди и мемориски картички.

Овие производи на крајот би можеле да бидат предмет на дополнителни давачки, но тие веројатно ќе бидат далеку пониски од стапката од 145 отсто што Трамп ја наметна на стоки од Кина.

Исклучоците се победа за технолошките компании како „Епл“, кои најголемиот дел од своите производи ги произведуваат во Кина. Земјата произведува 80% од iPad-ите и повеќе од половина од произведените компјутери Mac.

„Ова е сценарио од соништата за технолошките инвеститори“, изјави Ден Ајвс, глобален шеф за технолошки истражувања во Wedbush Securities, за Си-Ен-Би-Си. „Паметните телефони и чиповите што се исклучени е сценарио за промена на играта кога станува збор за тарифите во Кина“.

Тој додаде дека тарифите се „црн облак над технологијата уште од денот на ослободувањето, бидејќи ниту еден сектор нема да биде повеќе повреден од големата технологија“.

„Мислам дека на крајот извршните директори на големите технологии зборуваа гласно, а Белата куќа мораше да ја разбере и да ја слушне ситуацијата дека ова ќе беше армагедон за големата технологија доколку се спроведе“, рече Ајвс.