Големата банкарска тројка од камати инкасирала 30 милиони евра за едно тромесечје!

Добивај вести на Viber

Дел од големите банки во земјава бележат добивки, дел се во минус. Тутунска банка и Стопанска банка, во првите три месеци од годината забележаа добивка, додека Комерцијална е во загуба. Сепак, сите имаат раст на нето-приходите од камати, а освен Комерцијална банка другите две банки, Тутунска и Стопанска бележат раст и на нето-приходите од провизии и надоместоци. Стопанска банка ќе дели дивидена за своите акцинери, а акцијата на Комерцијална банка е во пораст, при што од банката ја известија Македонската берза дека немаат неикаква ценовно чувствителна информација која влијае на растот на цената на акцијата.  Сите три банки, кои спаѓаат во групата на големи банки, како нето-приход од камати заедно имаат инкасирано нешто повеќе од 30 милиони евра за првите три месеци до годината, додека нето-приходите од провизии и надоместоци изнесуваат околу 11 милиони евра. Тутунска банка-со добивка од 3,2 милиони евра Тутунска банка во првите три месеци од работењето има добивка од 3,2 милиони евра, и бележи раст во однос на претходната година кога добивката во истиот период изнесуваше 2,3 милиони евра.

„Во првото тримесечје од 2014 година беа издвоени исправки на вредноста на финансиските средства, на нето основа во износ од 2,3 милиони евра. Издвоените исправки соодветствуваат на структурата и на квалитетот на пласманите на Банката, посочуваат од банката.

Во првото тримесечје од 2014 година, нето каматните приходи се повисоки за 15,5% во однос на истиот период претходната година. Приходите од камати се зголемени за 2,0%, во најголем дел поради зголемување на кредитното протфолио кај сегментот население, подобрување на квалитетот на кредитното протфолио и повисок износ на наплатени претходно отпишани камати. Расходите од камати се пониски за 13,6% што се должи на намалување на каматните стапки на депозитите соодветно на пазарните услови, пониски состојби на депозити од банки и обврски по кредити. Односно, според податоците од финансискиот извештај на банката 8,1 милион евра изнесуваат нето-приходите од камата во првите три месеци од годинава,додека лани изнесувале 7 милиони евра. Во анализата на структурата на нето-приходите од камати се гледа дека, приходите од камати во првите три месеци од годинава имаат раст изнесуваат 13,4 милиони евра, додека лани во истиот период изнесувале 13,1 милиони евра. Банката ги намалила расходите за камати, кои гоиднава изнесуваат 5,3 милиони евра, додека пак лани изнесувале 6,1 милиони евра. Први три месеци              2014 година                                    2013  година

• Приходи од камата                       13,4 милиони евра                        13,1 милиони евра
• Расходи од камата                         5,3 милиони евра                           6,1 милиони евра
• Нето-приходи од камата            8,1 милиони евра                            7 милиони евра

Банката регистрираше и раст на нето-приходите од провизии за 5,0%. Нето-приходите од провизии во првото тромесечје од годинава изнесуваат 3,5 милиони евра, додека лани во истиот период изнесувале 3,3 милиони евра.

„Приходите од провизии се зголемени за 7,0% како резултат на зголемување на обемот на работа што резултираше со остварени повисоки приходи од домашниот платен промет, од картичното работење и од услугите преку деловната мрежа на Банката. Расходите за провизии се повисоки за 13,6%, главно поради повисоки расходи од картично работење, од кеш центарот и домашниот платен промет, при пониски расходи по провизии за обврските по кредитните линии, “ објаснуваат од банката.

Стопанска Банка - Скопје во добивка од 7 милиони евра Стопанска банка-Скопје во првите три месеци од годината има добивка од 7 милиони евра, за разлика од лани во истиот период кога добивката на оваа банка изнесувала 4,6 милиони евра. Банката има раст на приходите и од камата и од провизија. Па така , во финансискиот извештај кој се однесува на првото томесечје од годината, податоците покажуваат дека Стопанска банка остварила нето-приходи од камата во износ од 12,2 милиони евра, додека пак лани во истиот период нето-приходте на банката по овој основ изнесувале 11 милиони евра. Во структурата на нето-приходите се гледа дека годинава приходите од камата изнесувале 18,8 милиони евра, а приближно исто биле и претходната година во истиот период, односно тогаш изнесувале 18,7 милиони евра. Промени има кај расходите за камата, па така во првото тромесечје од годинава изнесуваат 6,5 милиони евра, доека лани во истиот период изнесувале 7,7 милиони евра. Први три месеци               2014 година                                    2013  година

• Приходи од камата                       18,8  милиони евра                       18,7 милиони евра
• Расходи за камата                            6,5 милиони евра                           7,7 милиони евра
• Нето-приходи од камата             12,3 милиони евра                       11 милиони евра

Стопанска банка, во првото тромесечје успеала да ги зголеми и нето-приходите од провизии и надоместоци. Односно по овој основ годинава банката инкасирала, 3,9 милиони евра, а додека лани во истиот период инкасирала 3,4 милиони евра. Банката пред неколку дена ги извести акционерите дека ќе дели девиденда по приоритетни акции од 2013 година, односно по 20 денари за акција за 227.444 приоритетни акции. Комерцијална банка со зголемени приходи од камата Комерцијална банка, една од најголемите банки во земјава во првите три месеци од годината бележи загуба од 1,6 милиони евра. Од банката објаснуваат дека загубите во најголем дел се резултат на загубата за оштетување на имотот преземен по 01.01.2010 година , која согласно регулативата е евидентирана  годинава.

„Поголемиот дел од евидентираното оштетување се однесува на имот преземен по 01.01 .2010 година , кое согласно регулативата на НБРМ, банката е должана да го признае до 01.01 2014 годфина, додека остатокот  е загуба за оштетување по основ на продажба на одземениот имот и по основ на препороценка. Согласно заклучокот на Одборот за управување со ризици  вкупното оштетување на имотот е евидентирано во два еднакви износи на 31.12 2013 година и на 01.01 2014 година за да се намали финансисиот товар од вкупното оштетување кое досепава на 01.01 2014 година, стои во образложението на банката.

Лани пак во истиот период банката беше во минус од 6 милиони евра. Сепак во објаснувањето на финансискиот извештај од банката посочуваат дека остварената добивка пред исправка на вредност е за 6,5% пониска во однос на минатата година што се должи на остварената нето-нереализирана загуба од вреднување на хартиите од вредност, помал износ на реализирани позитивни курсни разлики и намалени нето-приходи од провизии, но клучно за негативните резултати останува загубата за оштетување на пеземен имотот. Нето приходите од камати имаат мало зголемување, а благ пад има кај нето-приходите од провизии. Комерцијална банка има благ раст на нето–приходите од камата, што е основна компонента на приходната страна на банката. Односно, податоците покажуваат дека во првото тромесечје од годината има раст за 4,9%, споредено со истиот период минатата година и покрај намалувањето на активните и пасивните каматни стапки почнувајки од годинава. Анализата на структурата на на нето–приходите од камата пак укажува на тоа дека има благ пад кај приходите од камата кои во првите три месеци од годината изнесуваат 15,3 милиони евра, додека лани во истиот период изнесувале 16 милиони евра. А, има намалување на расходите за камата кои во првите три месеци од годината изнесуваат  4,5 милиони евра, за разлика од лани коига изнесувале 5,7 милиони евра. Односно во првите три месеци од годината нето-приходите од камата изнесуваат 10,8 милиони евра, за разлика од лани кога изнесувале 10,3 милиони евра. Први три месеци                   2014 година                                    2013  година

• Приходи од камата                       15,3 милиони евра                        16 милиони евра
• Расходи за камата                            4,5 милиони евра                           5,7 милиони евра
• Нето-приходи од камата            10,8 милиони евра                        10,3 милиони евра

Нето-приходите од провизии пак кај Комерцијална банка имаат благо намалување за 1,2 %. Односно годинава во првите три месеци банката инкасирала 3,4 милиони евра од провизи и надоместоци, додека пак лани во истиот период инкасирала  3,5 милиони евра. Банката регистрирала пад и кај приходите од курсните разлики за 44,25, додека пак кај останатите приходи има намалување од 48% и тие главно се резултат на помалите приходи од девизното работење. Комерцијална банка регистрирала и мало зголемување на трошоците за вработените што се должи на зголемениот трошок за амортизација на по ставање во функција на новитѕе деловни простории на банката. Банката изминатите денови имаше раст на цените на акциите, поради што ја информиаше Македонската берза дека нема никакви дополнителни ценовно чувствителни информации кои не се објавени и кои би имале влијание врз порастот на цената на акцијата. Цената на акцијата на Комерцијална банка вчера изнесуваше 2 511 денари и забележа раст од 9,29%. Во текот на вчерашниот ден беа истргувани 6, 571 акција. На почетотокот на годината цената на акцијата на Комерцијална  банка изнесуваше 1800 денари, а сега веќе достигна цена од 2 511 денари. Н.С.