Добивај вести на Viber
Предлог-Буџетот за 2015 година е подготвен, објави попладнево на Фејсбук вицепремиерот и министер за финансии Зоран Ставрески.
„Владата го усвои предлог Буџетот за 2015 година. Ќе има зголемување на платите, пензиите и социјалната помош и голем број на инфраструктурни проекти“, напиша Ставрески на својата Фејсбук страница.
Буџетот за 2015 година Владата сега треба да го достави на разгледување во Собранието.
Буџетарите ќе добијат повисоки плати уште во октомври и тоа за 4%, најави Ставрески. „Од октомври оваа година буџетските плати ќе се зголемат за 4 отсто. Додека пензиите и социјалната помош ќе бидат повисоки за 5 отсто, а нивните зголемени износи ќе бидат исплатени в година. Односно, социјалците во јуни, а пензионерите во октомври 2015 година“, најави тој.