Градежниците БАРААТ ДДВ-то за продажба на станови да си остане на 5 отсто инаку СТАНОВИТЕ ЌЕ ПОСКАПАТ
Објавено во: Македонија 30 Март, 2018
Градежниците со барање до Владата, ДДВ-то за продажба на становите до 2023 – та година да си остане пет отсто.
Бизнисмените членки на Сојузот на стопански комори велат дека ако се врати ДДВ – то на 18 отсто ќе поскапи квадратен метар станбен простор во земјава.
„Да не се доведеме во позиција дополнително да поскапат становите со кои ќе има и контра ефект и намалување на производство на станови. Целта е да се пролонгира тој рок и имаме ветување дека тоа ќе се заврши брзо“, вели Ивица Јаќимовски – претседател на градежна комора при ССКМ.
Според него, ако се намали изградбата на станови, ќе има намалување на приходите во државната каса по основ на придонеси од персонален данок, затоа што компаниите ќе треба да отпуштаат вработени.