Граѓаните ќе учат што се финансиски услуги и какви ризици носат

Добивај вести на Viber

Како се користат финансиските услуги, кои се ризиците, што нуди овој сектор се темите за кои Народната банка и Минстерството за финансии ќе ги едуцираат граѓаните. Најавуваат соработка и со други институции кои имаат надлежности во овој дел.  Беше посочено и дека НБРМ цела  година спроведува активности, но главно за децата. Сега, појаснуваат надлежните, ќе се едуцираат повозрасните ученици, а потоа и возрасните. За таа цел беше потпишан и Меморандумот за сoработка меѓу финансиските институции од земјава. Според вицепремиерот Зоран Ставрески, во интерес на сите е да се има население кое ги разбира финансиските услуги. Вака, додава тој, граѓаните нема да влегуваат во непотребни ризици што води на крајот до постабилен финансиски сектор. „Верувам дека на ваков начин ќе придонесеме и во Македонија да се подигне нивото на финансиска писменост и на тој начин ќе се вклучиме во европските трендови кои почнаа особено по финансиската криза со цел да се зголеми нивото на финансиската писменост и да се намалат ризиците“, рече Ставрески. Ваквата едукацијае резултат на искуствата во другите земји. Ќе се прави со  едноставни брошури за учениците, предавања во средното образование, брошури за граѓаните и соработка со приватниот сектор. Потписниците на Меморандумот, НБРМ, Министерството за финансии, Агенцијата за супервизија на осигурувње, Агенцијата за супервизија на капитално финансирано пензиско осигурување и Комисијата за хартии од вредност,  се договорија да се формира Координациско тело на регулаторните институции во Македонија за финансиска едукација. Ова тело, покрај останатото, ќе покренува иницијативи и заеднички проекти за финансиска едукација на граѓаните.