20 Јуни, 2024
0.0317

ГРЧКАТА НБГ ГИ НАДМИНА СИТЕ ОЧЕКУВАЊА - лани оствари основна оперативна добивка од 700 милиони евра, раст за дури 57 отсто

Објавено во: Финансии 15 Март, 2023

Добивај вести на Viber

Националната банка на Грција, Групација во чија сопственост е Стопанска банка Скопје, во минатата година остварила основна профитабилност од безмалку 700 милиони евра, што далеку ги надминува предвидувањата кои се движеа на околу 500 милиони евра, а во однос на претходната 2021 година е раст за дури 57 проценти. 

Нето приходите од камати лани се зголемиле за 13 отсто на годишно ниво, додека има значителчно намалување на нефункционалната изложеност. 

Потоа, како што објавија од банката, имаат солиден раст на приходите од провизии, или плус 21 отсто на годишно ниво, одразувајќи силен раст од сите деловни области, поттикнат од повисоката побарувачка за трансакции.

Оперативните расходи, пак, имаа раст од само 3 отсто годишно, и покрај високата инфлација во 2022 година и зголемените трошоци за амортизација.

Практично, значајното проширување на основниот приход од 15 отсто годишно, заедно со ограничените трошоци и трошоците за кредитен ризик доведе до зголемување на основната оперативна добивка за 57 отсто, достигнувајќи за лани дури 695 милиони евра. 

Од банката велат дека нивната програма за трансформација е конкурентна предност, поддржувајќи брзи промени и постигнување на целта. Ова особено се однесува на видливо подобрување на комерцијалната ефикасност на НБГ, зголемената миграција кон дигиталните канали и континуираните напори за оперативна ефикасност преку рационализирање и автоматизација на процесите и надградба на технологијата, вклучително и тековната замена на основниот банкарски систем.

Широко признати за нашата дигитална понуда, рангирана меѓу првите 10 отсто дигитални шампиони во Глобалното истражување за зрелост на дигитално банкарство за 2022 година на Deloitte, од глобален примерок од повеќе од 300 актуелни и предизвикувачки банки; нашата богата понуда продолжува да дава импресивни резултати, при што дигиталните претплатници и активните корисници достигнаа 3,7 милиони, односно плус 7 отсто годишно и 2,7 милиони, односно плус 10 отсто годишно во четвртиот квартал од 2022 година, додека дигиталната продажба се зголеми за 34 отсто на годишно ниво на речиси еден милион единици“, објаснуваат во својот извештај од банката.

Стратегијата за животната средина и климата во рамките на нивната поширока ESG агенда го води пазарот во финансирање на одржлива енергија и има за цел да ги примени најдобрите практики за поддршка на преминот на нивните клиенти кон еколошки одговорни практики.

Исто така, има надградба на кредитниот рејтинг на НБГ од страна на сите рејтинг агенции, како одраз на структурните подобрувања во квалитетот на нивните средства, адекватноста на капиталот и основната профитабилност. НБГ го одржува највисокиот кредитен рејтинг во Грција, на „ББ-“. 

„Почнувајќи од економските перформанси на Грција, економскиот раст остана силен во текот на минатата година, надминувајќи ги ризиците предизвикани од инфлацијата, поддржан од засилениот туризам, континуираната фискална поддршка, силните услови на пазарот на трудот, како и наглото закрепнување на корпоративната профитабилност. Наспроти оваа позитивна економска позадина, НБГ демонстрираше забележлива сила, обезбедувајќи супериорни перформанси во сите насоки на деловното работење, користејќи го подобрениот модел на работење што беше создаден со нашите успешни четиригодишни напори за трансформација. Што се однесува до профитабилноста, основната оперативна добивка на Групацијата лани се зголеми за 57 отсто на годишно ниво, до неодамнешното високо ниво од 0,7 милијарди евра, што е далеку над годишното предвидување од 0,5 милијарди евра, додека нашиот припишан PAT достигна 1,1 милијарди евра, што е зголемување за 29 отсто на годишно ниво“, потенцираат од банката. 

Н.Н.Ф.

Можеби ќе ве интересира

Генерали Инвестментс: За пазарите на капитал, инфлацијата во САД е поважна од европските избори

Генерали Инвестментс: За пазарите на капитал, инфлацијата во САД е поважна од европските избори

СЕ ИСКАЧИ НА ТРОНОТ - Nvidia го надмина Мајкрософт и стана највредна компанија во светот

СЕ ИСКАЧИ НА ТРОНОТ - Nvidia го надмина Мајкрософт и стана највредна компанија во светот

ДРЖАВНИ ПАТИШТА УБЕДЛИВО НА „ТРОНОТ“: државата гарантира, претпријатијата се задолжуваат

ДРЖАВНИ ПАТИШТА УБЕДЛИВО НА „ТРОНОТ“: државата гарантира, претпријатијата се задолжуваат

ВЕТУВАЊЕТО „СВЕТ БЕЗ НУКЛЕАРНО ОРУЖЈЕ“ ЌЕ ПОЧЕКА: Новиот извештај покажува колку инвестирале земјите во „оружјето на смртта“

ВЕТУВАЊЕТО „СВЕТ БЕЗ НУКЛЕАРНО ОРУЖЈЕ“ ЌЕ ПОЧЕКА: Новиот извештај покажува колку инвестирале земјите во „оружјето на смртта“

ЕВЕ КОЛКАВИ НАДОМЕСТОЦИ ЌЕ ЗЕМААТ ЧЛЕНОВИТЕ НА НАДЗОРЕН ОДБОР - Стопанска банка Скопје ги утврди износите

ЕВЕ КОЛКАВИ НАДОМЕСТОЦИ ЌЕ ЗЕМААТ ЧЛЕНОВИТЕ НА НАДЗОРЕН ОДБОР - Стопанска банка Скопје ги утврди износите

„ПОБРЗО И ПОЕВТИНО ПЛАЌАЊЕ ВО ЕВРА ЗА ГРАЃАНИТЕ И КОМПАНИИТЕ“: Величковски од Народната банка за интеграцијата во СЕПА

„ПОБРЗО И ПОЕВТИНО ПЛАЌАЊЕ ВО ЕВРА ЗА ГРАЃАНИТЕ И КОМПАНИИТЕ“: Величковски од Народната банка за интеграцијата во СЕПА

ПОСКАПУВААТ УСЛУГИТЕ НА МАКЕДОНСКАТА БЕРЗА - според новиот тарифник компаниите со повисока пазарна капитализација ќе плаќаат многу повеќе

ПОСКАПУВААТ УСЛУГИТЕ НА МАКЕДОНСКАТА БЕРЗА - според новиот тарифник компаниите со повисока пазарна капитализација ќе плаќаат многу повеќе

ЗА ОВАА ВЕШТИНА НА ПАЗАРОТ СААТНИНАТА ОДИ ДО 150 ЕВРА: Еве која е најбараната на пазарот на трудот

ЗА ОВАА ВЕШТИНА НА ПАЗАРОТ СААТНИНАТА ОДИ ДО 150 ЕВРА: Еве која е најбараната на пазарот на трудот

ПЛАТИТЕ ВО АДМИНИСТРАЦИЈАТА ПОРАСНАЛЕ ОД 16 ДО 50 ПРОЦЕНТИ: еве како се движат, ревизорите бараат усогласување со законите

ПЛАТИТЕ ВО АДМИНИСТРАЦИЈАТА ПОРАСНАЛЕ ОД 16 ДО 50 ПРОЦЕНТИ: еве како се движат, ревизорите бараат усогласување со законите