Грчки Скај со документи: Компанијата на Анѓушев е купена со вредност нула

Добивај вести на Viber

Во моментот на купопродажба ЕДС, компанијата за тргување со електрична енергија, на Кочо Анѓушев вредела нула, а Грчкото електростопанство платило 4,8 милиони евра, објави Скај, цитирајки податоци од билансот на успех до кој дошол медиумот. 

Според тие податоци во 2017 година ЕДС нема профит, туку книжи загуба. Вкупната актива на друштвото е 1,118 милијарди денари, ама капиталните резерви се во минус од над 50 милиони денари. Вкупните обврски изнесуваат над 1,152 милијарди денари. Вупните приходи на компанијата во 2017 година изнесуваат над 45,4 милијарди денари и со помали од вкупните трошоци за таа година, што значи дека компанијата лани работела со загуба. Вкупната загуба е над 300 милиони денари. Во меѓувреме, индексот на кредитниот рејтинг бил негативен, а компанијаат имала 36 вработени. 

Грчкото електростопанство го купи ЕДС на два месеца пред потпишувањето на преспанскиот договор. Ова, според Скај, не ги оправдува дадените 4,8 милиони евра „за купување на субјект со нула вредност.“. Грчкиот министер за енергија, Јоргос Статакис, изјави рече дека купувањето било одобрено од страна на Генералното собрание на акционерите и на менаџментот на ППЦ. Парите завршиле директно на личната сметка на Анѓушев.