Добивај вести на Viber
Грчките националисти се лути на солунскиот градоначалник, Јанис Бутарис кој во Скопје, за време на бизнис презентацијата за Солун стоел пред банер на кој пишуваше „Стопанската комора на Македонија“. Информацијата и настанот до детали го пренесуваа повеќе грчки медиуми, а денеска фотографијата на Бутарис пред банерот изнуди силни реакции меѓу грчките читатели. Коментарите на интернет сајтовите беа бројни, а Бутарис се најде на удар и на повеќе грчки блогови.
Како што јави МИА, повеќето од граганите во своите коментари истакнале дека Бутарис се согласил да седи пред натписот, со што покажал дека прифаќа кражба на името на грчка Македонија.
Од кабинетот на Бутарис, пак изјавиле дека градоначалникот не забележал што пишувало на банерот зад него.
Солунскиот градоначалник, покрај бизнис средбата во Стопанската комора во Скопје, се сретна и со својот колега од Скопје, Коце Трајановски на која се разговарало за продлабочување на соработката меѓу двата гадови. Со Бутарис од Солун дојдоа и повеќе бизнисмени, стопанственици и претставници на транспортниот и угостителскиот сектор од Солун.