ГРЧКИТЕ ВЛАСТИ НАЈАВИЈА ГОЛЕМИ ПОСКАПУВАЊА ЗА ТУРИСТИЧКАТА 2025 ГОДИНА: Рипаат цените на туристичките давачки

Добивај вести на Viber

Според локалните медиуми во Грција, туристичките такси ќе бидат воведени во различни сектори – дневни такси за сместување, градски такси и такси за бродови – што ќе го поскапи престојот во Грција значително, пренесува Schengen.News.

Земјите ширум светот воведуваат нови даноци за да ги зголемат приходите, да го заштитат културното наследство од прекумерен туризам или подобро да управуваат со бројот на туристите, а Грција ќе им се придружи следната година.

Од 2025 година, места како Санторини и Миконос планираат да воведат специјална такса за патниците со крстарења, но се очекува мерката да се прошири и на други туристички дестинации низ Грција.

На неодамнешниот четврти регионален конгрес на Панхеленската федерација на хотелиери се разговараше за зголемување на данокот за отпорност на климата и привремен данок за сместување, пишува грчки Сити Тајмс.

Сепак, некои се загрижени дека во претстојната туристичка сезона овие промени може негативно да се одразат на атрактивноста на Грција за туристите.

Масовниот туризам во полн ек

Гледајќи ги бројките за 2024 година, туризмот во Грција бележи силен раст. До октомври се регистрирани околу 25 милиони меѓународни авионски пристигнувања, што е зголемување за 8,1 отсто во споредба со 2023 година, што е за речиси 1,9 милиони туристи повеќе.

Пристигнувањата на патиштата исто така скокнаа за 13,9 проценти, што донесе уште 10,9 милиони посетители во споредба со 2023 година. Доколку овој тренд продолжи, Грција би можела да достигне рекордни 38 милиони туристи во 2025 година.

Сепак, туризмот не е рамномерно распореден низ земјата. Од 13 региони, само пет уживаат во најголем дел од придобивките, додека два региони го земаат лавовскиот дел.

Половина од приходите од туризмот се генерираат само во овие два региона, додека 90 отсто од приходите се концентрирани во пет региони, а останатите осум региони остануваат со само 10 отсто директни придобивки, пишува грчки Сити Тајмс.

Колку ќе бидат новите даноци во Грција?

Во 2024 година, Грција забележа голем пораст на пристигнувања на бродови за крстарење, пречекувајќи повеќе од 8 милиони патници, што е зголемување од 20 проценти во однос на претходната година. Санторини пречека рекордни 1,3 милиони патници на крстарење само во 2023 година.

Затоа патниците на крстарење кои ги посетуваат популарните острови како Санторини и Миконос сега ќе плаќаат 20 евра по лице. За други дестинации, вклучувајќи ги Родос, Крф и Крит, ќе се применува пониска такса од 5 евра по патник.

Приходите собрани од овие такси, заедно со зголемените даноци за краткотрајниот престој во сместување и хотели, ќе бидат насочени кон иницијативи кои ја подобруваат одржливоста и ги решаваат еколошките прашања низ Грција.

Големиот број туристи врши притисок врз локалната инфраструктура, што доведува до сообраќаен метеж и преполни пешачки зони.

Миконос, со население од околу 12.000, беше домаќин на осум бродови за крстарење и 20.000 патници за само еден ден во август 2024 година, што укажува на итна потреба за подобро управување со ресурсите.

Во септември 2024 година, грчките власти ги предложија овие даноци за пристигнување, нагласувајќи ја нивната употреба за подобрување на инфраструктурата и одржливи проекти на повеќе дестинации.

Тие ја разгледаа и можноста за дигитален систем за распределба на места за бродови за крстарење, иако овој план се уште се чека на одобрување од парламентот.

Повисоки даноци и за копнените патници

Почнувајќи од 2025 година, туристите во Грција ќе плаќаат дневен данок од 2 евра, што е зголемување од сегашните 0,5 евра. Оваа такса ќе се зголеми на 8 евра за време на шпицот на сезоната, односно од април до октомври. Дневната такса досега беше 1,5 евра.

Данокот за престој во хотели со висока оцена ќе биде 15 евра, додека останатите сместувања ќе имаат помали даноци.