Грција бара одложување на плаќањата за обврзниците
Објавено во: Балкан, Економија 14 Мај, 2015
Грција бара од Европската централна банка согласност за одложување на исплатата на 27 милијарди евра кои Атина треба да ги врати како камата на продадените државни обврзници, соопштија странските агенции, повикувајќи се на грчкиот министер за финансии Јанис Варуфакис.
Денес министерот изјавил дека исплатата треба да биде одложена во догледно време. „Тоа и е јасно и на ЕЦБ“, истакнал Варуфакис.
Во јули и август Грција мора да и врати на ЕЦБ над 6 милијарди евра како камата за дел од обврзниците, кои во 2010 и 2011 година банката ги купила од земјата.
„Министерството за финансии ќе треба да земе кредит, за да ги врати овие пари“, истакнал Варуфакис.