Груевски и утрово не дошол во Шутка
Објавено во: Македонија 10 Ноември, 2018
Поранешниот премиер, Никола Груевски утрово не се појавил во затворот во Шутка, каде треба да одлежи двегодишна казна за случајот „Тенк“ за набавка на луксузниот мерцедес.
Тој вчера не го примил решението на Кривичниот совет со кое се известува
дека неговото барање за одложување на издржувањето на казната не се прифаќа. Во
неколку наврати судскиот доставувач не успеал да го пронајде дома.
Најверојатно решението ќе му биде врачено во понеделник кога Груевски треба
да се појави во Кривичен суд, затоа што е еден од обвинетите во случајот „Титаник“.
Собранието вчера не му го одзема пратеничкиот мандат на Груевски, бидејќи немаше двотретинско
мнозинство.
Доколку судот утврди дека Груевски одбегнува да го прими решението, во тој случај се оди кон негово спроведување или распишување потерница.