ВМРО ДПМНЕ: Му даваме рака за спас на СДСМ од уцените

Добивај вести на Viber

Партијата на екс премиерот со уште една понуда до опозицијата.

ВМРО ДПМНЕ му нуди спас на Заев од уцените, и како што велат  спас на Македонија од разнебитување.

Во соопштението на партијата на Никола Груевски потеницраат дека „СДСМ е уценета партија  а нејзиното раководство е до гуша заглавено во скандали и криминали и затоа е подготвено да ја прифати Тиранската Платформа која директно задира во националните и државните интереси“.

„Прифаќањето на промената на парите, прифаќањето на промената на химната, на грбот и на знамето е надвор од секоја здраворазумска логика. Таквиот чин е во директна спротивност со државните и национални интереси! Никој не му дал право на Зоран Заев да отпочне разговори и дебати за промена на националните обележја. 

Аболицираниот криминалец Зоран Заев исплашен за истрагите за криминал кои се водат против него е подготвен да преговара и договара нови национални симболи, знаме, грб и химна, по насоките содржани во Тиранската платформа, обмислена од странски Премиер, потпишана во странска држава.

Ова веќе нема никаква врска со лагите кои ги кажуваше во изборите „За Живот во Македонија“, за повисок стандард, за еднаква Македонија за сите. Ова веќе е претворање на Македонија од едно мултиетничко општество во бинационална држава.

Прифаќањето на Тиранската Платформа од страна на СДСМ ќе значи редефинирање на Македонија од која нема назад“, посочија од ВМРО ДПМНЕ.

Оттаму велат дека „ВМРО-ДПМНЕ му нуди рака на СДСМ за спас од уцените и за спас на Македонија од разнебитување“.