Груевски се спаси во Унгарија - еве ги грчките наслови
Објавено во: Македонија 20 Ноември, 2018
„Груевски потврди дека доби азил во Унгарија“; „Груевски се спаси во Унгарија, потврди дека доби политички азил“; „Унгарија му даде политички азил на Груевски“; „Унгарија: Груевски доби политички азил“, се дел од насловите на текстовите, во поголемиот дел, преземени од текстот на грчката новинска агенција АНА-МПА, во онлајн изданијата на грчките медиуми за добиениот азил во Унгарија за поранешниот македонски премиер, Никола Груевски, јави дописничката на МИА од Атина.
Грчката новинска агенција потсетува дека Груевски побегна пред една седмица, а во периодот од 2006 до 2016 беше премиер.
Грчката државна телевизија ЕРТ, во кусото издание на вестите во 18 часот по локално време, ја објави веста и коментираше дека Унгарија му дала азил на Груевски и покрај реакциите и потсети дека унгарскиот премиер Виктор Орбан го поддржал поранешниот македонски премиер, пред последните парламентарни избори кај нас.