Халкбанк е новиот пријател на македонскиот ракомет

Добивај вести на Viber

Халк банка ќе биде новиот спонзор на Ракометната федерација на Македонија. Банката чиј продор на домашниот банакрски пазар е значаен во последниот период, ќе биде ветар во грб на македонскиот ракомет. На промовирањето на новото партнерство, меѓу РФМ и „Халкбанк“ присуствуваа и селекторот на македонската ракометна репрезентација Раул Гонзалес и капитенот Кире Лазаров. 

„Ракометот е еден од нјагледаните спортови во Макеоднија, а Халк банка станува официјален спонзор на РФМ. Среќни сме што ќе го поддржиме, рече Билал Суџубаши, извршен директор на Халк банка.

Претседателот на РФМ Живко Мукаетов рече дека Халк банка на овој начин докажува дека препознава вредности. РФМ добива ветар во грб, рече Мукаетов.

Интересно е што македонската ракометна селекција утре игра квалификациски натпревар токму со Турција.

„Почнуваме нов циклус со нов партнер. Сите сме многу амбициозни, а верувам таква е и Халкбанк, нашиот нов партнер, затоа се надеваме дека заедно ќе имаме многу успеси. Знаеме што ни е целта и со максимален респект кон сите противници, ќе одиме на победа на секој меч. Се надевам дека ќе бидеме подобри од натпревар во натпревар и дека овие квалификациски дуели ќе ни помогнат за формата, рече Кире Лазаров.

Селекторот Раул Гонзалес повтори дека нема да биде лесно, иако противниците се објективно поскромни од нас.

„Не е лесно да се најде добар спонзор и затоа сум горд на ова спонзорство. Не треба да се обидеме да се оддолжиме со тоа што ќе победиме на овие два следни натпревари, иако тоа нема да биде лесно, не треба никого да потцениме“, додаде Раул.

Македонија игра со Турција утревечер (20.15) во Битола а в недела гостува во Кожани, кај Грција.