ХАОС ВО ЕСЕН : Сириец влетал со комбе во продавници, запалил куќи, 31 лице е повредено (ВИДЕО)

Добивај вести на Viber

Вооружен Сириец (41) во саботата вечер со своето комбе влетал во неколку продавници во германскиот град Есен, заканувајќи се со оружје, и запалил две станбени згради, при што 31 лице е повредено, меѓу кои и две деца, чии животи се во опасност, јавуваат германските медиуми денес.

Според Противпожарната служба и полицијата, тој околу 17 часот и 10 минути запалил станбена зграда, а потоа запалил и куќа на друга улица, пишува весникот „Билд“.

После тоа, со комбето влетал во излогот и фасадата на продавница за зеленчук, а потоа се упатил кон друга продавница, кога излегол и извадил мачета.

**"Syrian Man Wearing Palestinian Flag Sets Fires and Rams Van into Shops in Altenessen, Germany; 31 Injured Including Critically Injured Children"**

On Saturday, September 28, 2024, a 41-year-old Syrian man, visibly wearing a Palestinian flag, initiated a series of violent acts… pic.twitter.com/dcSmSvHywa

— Michael Weingardt (@Michael_Wgd) September 29, 2024

На социјалните мрежи кружат видеа како насилникот им се заканува со оружје на луѓето околу него.

Случајните минувачи очигледно го држеле подалеку фрлајќи кон него разни предмети. Според Билд, полицијата на само неколку метри од продавницата за зеленчук успеала да го уапси сторителот кој имал изгореници на рацете.