27 Септември, 2021
0.0201

ХАРИ КОСТОВ ИМА АКЦИИ ВРЕДНИ 3,3 МИЛИОНИ ЕВРА ВО КОМЕРЦИЈАЛНА - првиот човек се доближува до еден отсто од акционерскиот капитал

Објавено во: Финансии 05 Август, 2021

Првиот човек на Комерцијална банка, Хари Костов, според количината на акции што сега ги поседува во банката, се доближува до еден отсто од акционерскиот капитал.

Тој денеска купи 3.500 акции од Комерцијална банка, за што инвеститорите беа известени преку ценовно чувствителна информација на Берзата. 

Јавноста се запраша колку акции вкупно во моментов поседува Хари Костов во банката, долгогодишниот прв човек, кој е всушност синоним на препознатливост на банката.

Тој денеска сам ја откри пред јавноста таа информација, потенцирајќи дека поседува 20.000 акции или 0,877 отсто од акционерскиот капитал на банката. Тоа е блиску до еден процент од акционерскиот капитал. 

„И покрај тоа што согласно законската регулатива акционерските друштва немаат обврска да објавуваат состојба на акции на акционерите што поседуваат под 5 отсто од вкупниот број на акции, сепак Ве известуваме дека Г-динот Хари Костов, Главен извршен директор на Комерцијална банка, поседува 20.000 акции од Комерцијална банка, што претставува 0,877 отсто од вкупниот број акции на Банката“, се вели во информацијата испратена од банката.

Денеска една акција на Комерцијална банка досетигна просечна цена од 10.082 денари.

Или, ако Костов поседува 20.000 акции во Комерцијална банка, значи дека неговите акции во Комерцијална денеска вределе близу 202 милиони денари, или 3,28 милиони евра. 

Н.Н.Ф.

Можеби ќе ве интересира

Успешното издавање на обрзници на ИутеКредит Европа придонес и за македонската економија

Успешното издавање на обрзници на ИутеКредит Европа придонес и за македонската економија

ЗА КАФЕТО ЌЕ ПЛАТИТЕ 40 ДЕНАРИ: Ова е најевтиниот град во Европа

ЗА КАФЕТО ЌЕ ПЛАТИТЕ 40 ДЕНАРИ: Ова е најевтиниот град во Европа

АКО ОПШТИНАТА Е ФИНАНСИСКИ НЕСТАБИЛНА, ГРАДОНАЧАЛНИКОТ НЕМА ДА СМЕЕ ДА ТРОШИ - а државата ќе се задолжи за да ја спаси

АКО ОПШТИНАТА Е ФИНАНСИСКИ НЕСТАБИЛНА, ГРАДОНАЧАЛНИКОТ НЕМА ДА СМЕЕ ДА ТРОШИ - а државата ќе се задолжи за да ја спаси

Регулација на крипто-средствата: Дали оданочувањето може да го забрза процесот на општо прифаќање?

Регулација на крипто-средствата: Дали оданочувањето може да го забрза процесот на општо прифаќање?

Creative Hub победи на Global Fundraising Stage Miami 2021

Creative Hub победи на Global Fundraising Stage Miami 2021