Добивај вести на Viber
По вчерашната одлука на холандскиот парламент која ја обврза холандската влада да гласа против, Холандија ќе стави вето на Албанија, за доделување статус земја кандидат за членство во ЕУ.
Инаку Албанија има високи очекувања од престојниот самит и надеж дека ќе добие зелено светло за кандидатски статус. Претходно европскиот парламент ги повика државите-членки на ЕУ, на Албанија да и доделат статус на кандидат.
Според Европскиот парламент, главен предизвик е широко распространетата корупција. Токму поради тоа, ЕП од Албанија побара мерки за зајакнување на независноста на правосудството и борбата против корупцијата, организираниот криминал, трговијата со луѓе, оружје и дрога.
Европската комисија во извештајот за напредок на Албанија, заклучи дека државата би требало да добие статус на кандидат, под услов да заврши со клучните реформи во областа на правосудството и јавната управа.
Европската комисија оцени дека ветото од страна на Холандија ќе им нанесе тежок удар на надежите на земјите од Западен Балкан.