Хотели примаат заразени со коронавирус за 30 евра по соба

Добивај вести на Viber

Хотели во Рим примаат заболени од коронавирусот. 

Тие наплаќаат 30 евра за соба. Овој трошок го покриваат регионалните власти. 

Во вообичаени времиња, хотелот „Roman Sheraton Parco de’Medici“ е преполн со деловни луѓе и туристи.

Хотелот е меѓу петнаесетте римски хотели кои примаат болни пациенти на околу 800 легла, од кои половина се веќе зафатени.

„Со денови недостасуваа болнички кревети, што предизвика наплив во службите за итни случаи“, објасни Симона Амато, директор на здравствени услуги во регионот Лацио.

Шератон, кој има базен и се наоѓа во близина на терен за голф во јужниот дел на Рим, даде на располагање 169 соби. Може да прими пациенти со симптоми, оние кои се опоравуваат и оние пациенти чија состојба не е особено загрижувачка.

Болничарот Кристијан бе сместен во Шератон откако забележал лесни симптоми. Живее со неговите родители и се плаши да не ги зарази. Вели дека собите имаат резерви на кислород, а два пати на ден персоналот ги прегледува заразените. 

Во последните 24 часа во Италија има 37.978 нови заразени и 636 починати.

Министерството за здравство на Италија објави дека досега вкупно починале 43.589 луѓе.

Владата резервирала 15.000 хотелски легла на национално ниво за пациентите со коронавирус.

Секој 60. Италијанец е заразен од Ковид-19. Власта донесе нови мерки. 

Овој викенд ќе бидат затворени сите продавници и трговски центри, освен аптеките и продавниците за храна. 

Спортските активности ќе бидат дозволени во парковите и периферните делови на градот, а забранети се собири.