16 Јануари, 2022
0.0244

Хронологијата на едно бегство: Нелегалниот пат на Груевски до Унгарија

Објавено во: Македонија 19 Ноември, 2018

Владата на Орбан тајно го прими поранешниот македонски премиер Никола Груевски, преку Албанија, Црна Гора и Србија, во Унгарија. Будимпешта негира дека има вмешнаност во бегството, но унгарската јавност е навредена.

Осудениот екс премиер Никола Груевски, наводно, е пренесен преку Албанија, Црна Гора и Србија, во Унгарија. И со помош на унгарските власти. Аферата за бегство на Груевски ги засилува сомневањата против владата на Виктор Орбан за соучество во трговијата со луѓе и нелегално влегување во земјата.

Така, унгарската влада ги крши не само важечките закони и унгарскиот закон за азил, туку и неодамна изменетиот устав, кој со формулацијата "населување на странци", всушност, забранува миграција. Во врска со ова, унгарскиот пратеник Асос Хадази апелираше до обвинителството во Будимпешта против непознат сторител.

Според информациите од албанската и црногорската полиција, кои делумно беа потврдени од канцеларијата на Орбан, пред една недела Груевски побарал политички азил во амбасадата на Унгарија во Тирана. Во неделата (11-ти ноември) тој заминал со дипломатски автомобил за Унгарија, поминувајќи низ Црна Гора и Србија. Минатата година македонските власти го одзедоа пасошот на Никола Груевски. Во Албанија, Црна Гора и Србија тој може да се движи без пасош, но за влез во Унгарија или било која друга земја на ЕУ му треба пасош.

Како што соопши црногорската полиција, во неделата во 19:19, Груевски влегол во Црна Гора преку граничниот премин Бојаџи. Тој бил придружуван од двајца дипломати од амбасадата на Унгарија во Тирана. По промената на автомобилот во Подгорица, Груевски ја напуштил Црна Гора во 22:16 на граничниот премин Драгаково и влегол во Србија - придружуван од уште двајца други унгарски дипломати.

До овој момент српските власти не одговорија на барањето на дел од медиумите за тоа кога и како Груевски ја напуштил земјата за влез во Унгарија. Во вторникот (13-ти ноември) поранешниот македонски премиер напиша во профил на Фејсбук дека веќе се наоѓа во Унгарија.

Унгарскиот портал за новинарски истраги Atlatszo тврди дека најверојатно Груевски пристигнал во Унгарија во средата - со приватен авион од типот "Бомбардие 6000" со регистарски број OE-LEM. Во овој авион често уживаат уште унгарскиот премиер Виктор Орбан и луѓето од неговата најблиската бизнис околина. Токму во средата, по тринеделен престој на аеродромот во Виена, истиот авион ја имал лет маршрутата Виена-Будимпешта-Белград-Будимпешта. Новинарски портал признава дека Груевски бил пренесен во Унгарија токму со овој авион, а Блогот на Груевски на Фејсбук од вторникот бил за заблуда.

Унгарската Влада досега потврди само една од овие информации - дека Груевски побарал азил во унгарската амбасада во Тирана. Шефот на кабинетот на Орбан меѓутоа, категорично негира дека унгарските власти му помогнале на Груевски да избега од Македонија.

Шефот на "Односи со јавноста" на партијата на Орбан - Фидес, изјави дека Груевски е следен дома од една лева влада, која била под силно влијание на Џорџ Сорос. Американскиот милијардер од унгарско-еврејско потекло е наречен од владата на Орбан за "непријател на унгарската нација" - особено во врска со бегалците и зголемената миграција кон земјите од ЕУ.

Македонскиот премиер Зоран Заев изјави на прес-конференција во Скопје дека се надева Унгарија да ги почитува меѓународното право и да го предаде Груевски на македонските власти. Тој додаде дека се надева дека Унгарија нема да му дозволи на Груевски да избега, на пример во Турција или Русија.


Фото: Ројтерс

Можеби ќе ве интересира

САКАМЕ ПРАВАТА НА БУГАРИТЕ ДА БИДАТ ВКЛУЧЕНИ ВО УСТАВОТ НА РСМ, А МАКЕДОНСКО МАЛЦИНСТВО ВО БУГАРИЈА НЕМА: Петков за БТВ

САКАМЕ ПРАВАТА НА БУГАРИТЕ ДА БИДАТ ВКЛУЧЕНИ ВО УСТАВОТ НА РСМ, А МАКЕДОНСКО МАЛЦИНСТВО ВО БУГАРИЈА НЕМА: Петков за БТВ

МАКЕДОНИЈА ВО „ЦРВЕНАТА ЗОНА“ ЗА БУГАРИЈА: Од 19.јануари и децата над 12 години мора да имаат негативен ПЦР тест, во спротивно следува 10-дневен карантин

МАКЕДОНИЈА ВО „ЦРВЕНАТА ЗОНА“ ЗА БУГАРИЈА: Од 19.јануари и децата над 12 години мора да имаат негативен ПЦР тест, во спротивно следува 10-дневен карантин

УШТЕ НЕКОЛКУ ЧАСА ДО ИЗГЛАСУВАЊЕ НА НОВАТА ВЛАДА: Опозицијата бара предвремени избори, власта тврди дека легитимитетот е добиен на изборите пред две години

УШТЕ НЕКОЛКУ ЧАСА ДО ИЗГЛАСУВАЊЕ НА НОВАТА ВЛАДА: Опозицијата бара предвремени избори, власта тврди дека легитимитетот е добиен на изборите пред две години

ОД 1.348 НОВОЗАРАЗЕНИ 145 ГРАЃАНИ ПО ВТОР ПАТ СЕ ИНФИЦИРАНИ СО КОВИД: Починаа 8 пациенти

ОД 1.348 НОВОЗАРАЗЕНИ 145 ГРАЃАНИ ПО ВТОР ПАТ СЕ ИНФИЦИРАНИ СО КОВИД: Починаа 8 пациенти

Пред точно 14 години почина Никола Кљусев-првиот премиер на независна Република Македонија

Пред точно 14 години почина Никола Кљусев-првиот премиер на независна Република Македонија

Работните активности на булеварот „Александар Македонски“: Протокот на возила е овозможен само на една коловозна лента

Работните активности на булеварот „Александар Македонски“: Протокот на возила е овозможен само на една коловозна лента

ИНЦИДЕНТ НА ИНФЕКТИВНОТО ОДДЕЛЕНИЕ ВО ОХРИД: Физички е нападната вработена

ИНЦИДЕНТ НА ИНФЕКТИВНОТО ОДДЕЛЕНИЕ ВО ОХРИД: Физички е нападната вработена

ПОВЕЌЕ ОД 300 ПОЗИТИВНИ КОМЕНТАРИ САМО ЗА ПОЛОВИНА ЧАС: Венко Филипче во операциона сала-успешно завршена операција кај млада пациентка

ПОВЕЌЕ ОД 300 ПОЗИТИВНИ КОМЕНТАРИ САМО ЗА ПОЛОВИНА ЧАС: Венко Филипче во операциона сала-успешно завршена операција кај млада пациентка

САТЕЛИТИ КРУЖАТ НАД БЕЛГРАД-НЕДОВОЛНО ЈАСНИ СНИМКИ ОД НЕШТО ШТО СЕ ДВИЖИ ВО РЕКАТА: Потрагата по Матеј добива нова димензија

САТЕЛИТИ КРУЖАТ НАД БЕЛГРАД-НЕДОВОЛНО ЈАСНИ СНИМКИ ОД НЕШТО ШТО СЕ ДВИЖИ ВО РЕКАТА: Потрагата по Матеј добива нова димензија