И ЕПИДЕМИОЛОГОТ ДАНИЛОВСКИ СЕ ВАКЦИНИРАШЕ ПРОТИВ ГРИПОТ: „Се вакцинирав како припадник на генерацијата 65+„
Објавено во: Македонија 25 Октомври, 2024
Еден од најпознатите македонски епидемиолози, проф.д-р Драган Даниловски денеска се вакцинираше против сезонскиот грип. Тој потсети дека имунизацијата против вирусот на инфлуенца е од исклучителна важност за повозрасните групи граѓани, но и за останатите ранливи категории.
-Денес се вакцинирав против сезонскиот грип во Центарот за јавно здравје - Скопје, како припадник на генерацијата 65+ (71).
P.S. Да потсетам, покрај возрасната група 65+, ризични групи уште се и граѓаните со хронични болести, компромитиран имунолошки систем, трудниците, здравствените работници, оние кои живеат во „старски“ домови, вработените во тие домови и децата на возраст од 6 месеци до 5 години, напиша професорот во објавата на ФБ.