НАПАДНАТ ЖИТЕЛ НА ПРОБИШТИП, НАПАЃАЧИТЕ ИМАЛЕ ПИШТОЛ, АМА ПЛАСТИЧЕН - полицијата ги уапси
Објавено во: Македонија 27 Октомври, 2024
При тепачка во семејна куќа, еден од напаѓачите извадил пиштол, но по апсењето било утврдено дека е пластичен.
Како што информираат од МВР, во текот на вчерашниот ден, во попладневните часови, поточно во 17.40 часот полициски службеници ги лишиле од слобода П.Л.(40), Т.Б.(42) и М.Ј.(32) сите од Свети Николе.
Согласно пријавата која ја добиле, тие претходно во село Пуздерци, пробиштипско, во дворот на семејната куќа на Е.Е.(51), физички го нападнале, а при тоа употребиле и тврди предмети.
- Потоа дополнително му се заканувале, при што П.Л. извадил пиштол, за кој подоцна било констатирано дека бил пластичен. Известен бил Јавен обвинител и по целосно документирање на случајот ќе следува соодветен поднесок - се нагласува во билтенот на МВР.