Реакција од Град Скопје: Во овој момент во трета фаза е изградбата на парк во Карпош

Добивај вести на Viber

По објавата на текстот насловен „Ботаничката градина во Карпош стана изборна измама?“ на нашиот портал во текот на вчерашниот ден, со реакција се јавија од град Скопје. 

Нивниот претставник реагира на објавата, со детални објаснувања. Нивната реакција ви ја пренесуваме целосно:

- Во својство на полномошник на Град Скопје, Ви се обраќаме поради следното: На 26.10.2024 година на интернет порталот faktor.mk, сопственост на правното лице Фактор Портал ДООЕЛ Скопје, објавен е текст со наслов „Ботанички парк во Карпош стана изборна измама?“, во кој се изнесени невистинити тврдења за факти кои предизвикуваат штета на угледот на Град Скопје. 

Имено, не е точно дека до Град Скопје е доставен проект за „Ботанички парк“. Напротив, Град Скопје, во овој момент, е во трета фаза од изградба на парк во Карпош, и тоа на површина од 82.000м2, каде ќе се градат пешачки патеки, паркинг за посетителите, нова урбана опрема, а планирани се и паркови за миленици. Паркот се протега од новиот мост во Влае до новиот жолт пешачки мост и треба да стане важен дел од зелената инфраструктура на градот. 

Од друг страна, Град Скопје, од пред 5 месеци во Карпош има направено нова ботаничка градина на површина од 12.000м2, со преку 4.600 уникатни дрвја и садници и видиковци. 

Линк: Ботаничка градина во Карпош.

Вие како сериозен интернет портал, водејќи сметка за новинарскиот кодекс и професионални стандарди, треба да објавувате точни, проверени информации и да побарате мислење од засегнатата друга страна, но тоа не е сторено. Реакцијата бараме да биде објавен во рок од 48 часа од приемот на ова писмено, согласно Законот за граѓанска одговорност за навреда и клевета.

Фото: Град Скопје