„НЕ ДРЖИ КОНСТАТАЦИЈАТА НА АХМЕТИ“: Меџити вели општините добиваат повеќе пари сега - „подобро ни е кога ДУИ е во опозиција“

Добивај вести на Viber

Првиот заменик-претседател на Владата, Изет Меџити во интервју дадено во домашните медиуми на албански јазик посочи дека актуелната влада не прави разлики при распределбата на буџетот за инвестиции по општините, како што правеше претходната влада со Тетово и Чаир.

- Ова е првпат една влада да не прави разлики, како што тие тоа го правеа во минатото со Чаир и Тетово, кои беа единствени од 80 општини што не добија ниту еден денар од буџетот на Северна Македонија. Ние не го правиме истото, ние ги третираме општините без оглед на припадноста, бидејќи таму се нашите граѓани, ние сме за граѓаните, и тие градоначалници се избрани од граѓаните - изјави Меџити.

Меџити за „Лајм“ истакна дека утре ќе започнат интензивните градежни работи за изградба на Коридорот 8, кого го нарчече „исклучително важен за Македонија“.

Меџити потенцираше оти прв пат Владата има издвоено 1 милијарда евра за следните 4 години во текот на мандатот за конкретни проекти на општините.

- Додека оваа година, иако е половина година, веќе се одобрени над 60 милиони евра инвестиции во конкретни проекти за општините, или поточно 271 проект, додека се предвидува до крајот на годината да се заокружи со 100 милиони евра за сите општини, што ќе надмине 300 проекти кои решаваат конкретни проблеми и го подобруваат животниот стандард на граѓаните - истакна Меџити.

Според него, овие инвестиции ja покажуваат разликата или промената во пристапот на оваа влада, која не е само декларативно проевропска, туку и со инвестиции и конкретни проекти.

Меџити му одговори и на Ахмети: Албанците си го добиваат својот дел, ние ги исправаме вашите грешки

Меџити не остана должен и на обвинувањата на првиот човек на ДУИ, Али Ахмети, кој пред неколку дена рече дека актуелната власт ги понижува Албанците и ја покани коалицијата ВЛЕН да излезе од владата.

Меџити ги отфрли овие изјави на Ахмети, велејќи дека Албанците од оваа влада си го добиваат својот дел.

- Албанците добиваат удел во буџетот на Република Северна Македонија. Значи, добиваат околу 30 милиони евра само во оваа половина година, а тоа го добиваат и општините кои не се ВЛЕН, а се ДУИ. И да ги седнете без камери и искрено да разговарате, велат подобро ни било кога ДУИ е во опозиција отколку кога ДУИ била во Влада. Изненадени сме што немаме проекти толку колку што Владата обезбедува средства за реализација на конкретни проекти за граѓаните. Тоа е првпат една влада да не прави разлика како во минатото, кога Чаир и Тетово не добија ниту денар од буџетот на Македонија. Не држи констатацијата на Ахмети - посочи рече Меџити.