ТУРИСТИЧКИОТ КОМПЛЕКС „МАНАСТИР“ ВО ПЛАМЕН - голем пожар во Берово (ВИДЕО)
Објавено во: Македонија 27 Октомври, 2024
Пожар вечерва зафати дел од туристичкиот комплекс Манастир во Берово. На терен се екипи на ТППЕ Берово кои веднаш по дојавата се упатиле во кругот на објектот каде е забележан густ чад.
Оттаму повеќе информации за обемот на пожарот и евентуалната причинета штета најавија во текот на вечерта.
Очевидци велат дека засега нема опасност од проширување на пожарот на околните објекти.
- Голем пожар доцна вечерва избувна во хотелскиот комплекс „Манастир“ во Берово. Причинета е голема материјална штета, но нема повредени гости, ниту персонал, кои биле навремено евакуирани.
ТППЕ Струмица веднаш после добиеното барање за помош во гаснењето на пожарот, испрати 1 ПП возило и 5 пожарникари-спасители.
Се уште нема официјални информации за обемот на пожарот и за евентуалната причинета штета - соопштуваат од противпожарната служба.