И НАЈПРОГРЕСИВНИОТ ВОДАЧ ВО УСЛОВИ НА МЕТАСТАЗИРАНА КОРУПЦИЈА, НЕМА ШАНСИ ДА ЈА ПРИДВИЖИ ДРЖАВАТА НАПРЕД: Најчевска тврди, треда да се срушат двата бастиони

Добивај вести на Viber

Професорката Мирјана Најчевска вели дека ниту еден лидер нема да успее да ја придвижи државата напред, ако не се срушат двата бастиони на корупцијата.

„Корупцијата останува рак рана на нашата држава, носи човечки жртви и го оневозможува развојот.

И најсофистицираниот и најпрогресивниот водач во услови на метстазирана корупција нема шанси да ја придвижи државата напред.

Според мене борбата со корупцијата треба да почне со рушење на двата бастиони на корупцијата на секоја власт.

Првиот бастион е правосудниот систем. Секоја власт ја разбира опасноста по себе и своите криминални дејствија доколку се реформира правосудниот систем и со сите сили и средства се бори за опстојување на овој и ваков правосуден систем.

Не ни требаат повеќе судии и повеќе јавни обвинители. 10 лоши судии и јавни обвинители не можат да заменат 1 добар судија или јавен обвинител.

- Треба да ги замениме кецарочките партиски марионети со морал на шакал со луѓе со знаење и морал.

- Ни треба ригорозен систем на избор на судии и јавни обвинители за да добиеме луѓе кои знаат и кои не подлегнуваат на партиски притисоци.

- Ригорозен систем на казнување на најмала грешка со забрана за вршење на било каква дејност поврзана со право и конфискација на имот.

- Ни треба мала избрана група судии и јавни обвинители кои ќе го пробијат патот.

Вториот батсион на корупцијата е администрацијата. Секоја власт со сите сили и средства го штити системот на партизирана администрација, наполнета со кецароши.

- Ни треба независна и моќна агенција за администрација која единствена ќе може да вработува и отпушта.

- Ни треба ригорозен мерит систем кој нема да се базира на никава правична застапеност и етнички проценти. Единствен етнички коректив смее да биде кога се бира меѓу два кандидати кои еднакво ги исполнуваат условите.

- Ни требаа високо наградени администратори кои ќе бидат казнети и за најмал знак на корупција.

- Ни треба мала и ефикасна администрација која се потпира на сите алатки на современиот технолошки развој.

Ете, според мене од тука треба да се почне со борбата со корупцијата“, напиша таа.