И Словенците го сакаат сефот на Тито!

Добивај вести на Viber

Амбасдата на Република Словенија побарала од основниот суд во Белград да им достави список на предмети кои се пронајдени во депото 555, познато како сефот на Тито. Пред овој суд се води оставинска постапка помеѓу наследниците по смртта на поранешниот Југословенски претседател Јосип Броз. " Судот ни достави барање кое во име на амбасдата на Словенија го упатил амбасадорот, дека оваа држава наследничка на СФРЈ е заинтересирана за извештај за пронајдените работи во сефот", вели за Novosti адвокатаката на Златица и Миша Броз, Виолета Коќиќ – Митачек. Амбасадата од генералниот секретаријата на претседателот на Србија, каде првин било поднесено барањето ја упатиле до судот. Тоа е првата држава која е создадена од поранешна Југославија која и официјлано побарала на некој начин да биде вклучена во оставинската постапка по смртта на Броз, веројатно сметајки дека пронајденото богатство треба да биде предмет на сукцесија помеѓу поранешните републики. Адвокатите на наследниците на Броз за ова барање треба да се изјаснат во рок од 15 дена, а според тврдењата на Виолета Коќиќ Митачек и Горан Петронијевиќ, адвокат на внукот на Тито, Јошка Броз, тие ќе се спротистават. " Работите пронајдени во сефот не се предмет на сукцесија и не постои правен основ Словенија да се вклучи во постапката ", вели Петронијевиќ. " Освен Словенија, во постапката барање за вклучување поднесе и Републичкото Јавно Правобранителство, како претставник на државата Србија. И нивното барање е неосновано и неуредно, па затоа сите барања освен оние на семејството Караџорџевиќ треба да се отфрлат како неуредни и неосновани". Како што објаснува Петронијевиќ, уредно барање до судот подразбира заинтересираната страна да наведе што бара од списокот. Не може да се поднесе барање по системот " да видиме што има таму, па можеби нешто да биде и наше“. Во исто време, Словенија до ден денес ја нема вратено скапоцената збирка на автомобили позајмени за изложба од Белград пред војната. Таа е во техничкиот музеј во Словенија, а од 17 возила, 11 се во сопственост на историскиот музеј на Југославија,  а два на Воениот музеј на Калемегдан. Меѓу нив се "horh glazer“, кабриолет од 1938 година и блендиран "pakard“ од 1937, за кој се верува дека е подарок од Сталин и дека вреди најмалку дав милиони долари. Меѓу најскапите автомобили на списокот е и бледираниот "mercedes kupe“ од 1939. Неколку слични модели се продадени на светски аукции во последните години за цена од 4,6 - 9 милиони долари. " Словенците се однесуваат по принципот: она што е кај нас е наше, а она што е кај вас е заедничко. Затоа судот теба да го отфрли овие барања ", вели адвокатот на Брозови. На нивно големо изненадување, судот им доставил на изјаснување уште едно барање во кое човек чие семејство загинало по Втората светска војна и на кого му било одземено стадо кози исто така бара да се вклучи во оставинската постапка и така да биде обесштетен. Адвокатите ова барање го сметаат за правно неосновано и не им е јасно зошто судот веднаш не го отфрлил. Наследниците на Броз не само што треба да се изјаснат по основ на поднесените барања, туку на судот треба да му ги набројат движностите кои ги бараат. Ова барање на судот го оценуваат како бесмислено затоа што не им се доставени до крај сите списоци со имотот останат од доживотниот претседател на Југославија. Инаку, во депото 555, познато како сефот на Тито, најголемиот дел на пронајдени предмети припаѓаат на династијата Караџорџевиќ, што е потврдено и од овластен судски вештак кој бил ангажиран од три члена комисја на претседателот на Србија. Помеѓу нив најголемиот дел е накит, ордени и часовници со кралски монограми. Доколку ова го потврди и судот, произлегува дека Словенија бара приватниот имот на членовите на кралското семејство да биде поделен помеѓу поранешните републики. K.K