И власта и опозицијата со свои закони за помирување

Добивај вести на Viber

И опозицијата и власта на своја воденица си го тераат помирувањето со тоа што едните веќе подготвија предлог-закон, а другите најавуваат брзо решение во декември по крвавите настани на 27 април во Собранието лани.

Телото за помирување најверојатно наредната недела ќе му предложи на Собранието, закон за амнестија на учесниците во собраниските настани од 27 април. Осумтемина исклучени пратеници кои формираа независна пратеничка група интензивно работат законското решние. Од независната пратеничка група велат дека засега не е познато дали ќе се вика закон за амнетија, за помирување или некако поинаку, но велат целта на законот е да се изнајде правен начин и да се обезбеди правда за сите кои не извршиле насилство, а учествувале во мирни протести. Кон крајот на оваа недела треба да се состанат членовите на работното тело за помирување и да ги договорат сите дели.

До средината на декември треба да биде готов овој предлог-закон за амнестија. Новото законското решение кое што треба да произлезе од работата на Координативното тело за помирување е во фаза на подготовка и се бара начин како да се постигне целта, без да се наштети на правниот процес, вели пратеничката Емилија Александрова, од таканаречените независни паретници од ВМРО ДПМНЕ која е претседавач на тоа тело.
За содржината на решение не се зборува многу, но може да се заклучи дека за настаните од 27-ми април барем за дел од обвинетите амнестија ќе има.

Во меѓувреме предлог-законот за амнестија за 27 април, предложен од парламентарната група на ВМРО-ДПМНЕ, е ставен на дневен ред на пленарна седница на 26 ноември во Собранието. Со овој предлог, 29 поднесувачи од ВМРО-ДПМНЕ бараат да бидат амнестирани сите осудени, обвинети и осомничени за настаните во Собранието на 27 април минатата година.
Од опозицијата и натаму велат дека нема да учествуваат во работата на оној закон кој го подготвува власта со независната пратеничка група која гласаше за уставните измени. Според ВМРО ДПМНЕ најавите кои доаѓаат за она што го подготвува ова тело, се претвора во тело за порамнување.

Инаку, премиерот Зоран Заев во петокот рече дека законот за амнестија би значел ослободување од обвинение за оние кои не учествувале во насилството во Собранието на 27 април.